ФАН ОЙЛИГИ ДОИРАСИДАГИ ТАДБИРЛАР ҚИЗИҚАРЛИ ЎТМОҚДА

Октябрь – филология фанлари ойлиги муносабати билан умумтаълим фанлари мактабларида ўтказилаётган адабий кеча, иншолар танловлари, очиқ ўқув машғулотларида ўқитувчилар ва ўқувчилар фаол иштирок этишмоқда.

Ойлик доирасида 40-сонли мактабда ҳам “Қадринг баланд бўлсин она тилим “ мавзусида тадбир бўлиб ўтди. Тадбирни мактаб директори Санобар Хўжамуродова она тилига бағишланган шеър билан бошлади ва Ўзбек тилига давлат тили мақомининг берилиши тарихи ҳақида ўқувчиларга батафсил маълумот бериб ўтди.

Ҳар беш одамнинг учтаси мулоқот жараёнида чет эл сўзларини қўшиб гапириши, кўча-кўйда, баннерлардаги хато ёзилган сўзлар, ижтимоий тармоқлардаги имло хатолари тўғрисида гапириб, ҳар бир инсон тилимизнинг софлиги, унинг ривожланишида ўз ҳиссамизни қўшиш кераклигини эслатиб ўтди. Сўзи давомида Асосий фан олимпиадаси 2-босқич ғолиблари, жумладан,  инглиз тили фанидан    10-синф ўқувчиси Илҳомова Лайло 1-ўрин, физика фанидан 9-синф ўқувчиси Худойбергенова Барчиной 1-ўрин, география фанидан 11-синф ўқувчиси Болтабоева Севара 2-ўрин, она тили ва адабиёт фанидан 10-синф ўқувчиси Норбоева Ирода 2-ўрин, қорақалпоқ тили фанидан 10-синф ўқувчиси Машарипова Мафтуна 2-ўрин, физика фанидан 9-синф ўқувчиси Мадаминова Мадина 2-ўрин, география фанидан 11-синф ўқувчиси Умарбоева Райҳон 3-ўрин, математика фанидан 11-синф ўқувчиси Кенжабоева Шаҳризода, 10-синф ўқувчиси Арслонов Беҳруз 3-ўрин, биология фанидан 10-синф ўқувчиси Гулмирзаева Мафтуна 3-ўрин ғолибларини ҳамда уларнинг устозларини ҳам табриклади ва кейинги босқичларда омад тилаб, уларнинг Республикада ҳам ғолиб бўлишига ишонч билдириб, мотивация берди. Шунингдек, 11-синф ўқувчилари яъни EILTS сертификатини қўлга киритган Ўтамуродова Мавжуда, Жумамуродова Фаридаларни ўқувчиларга ўрнак қилиб кўрсатди, улар каби ўқувчиларни билимли бўлишга чорлади.

Тадбир давомида мактаб ижодкор  ўқувчилари тил ҳақидаги шеърларидан намуналар айтди, 5-6-синф ўқувчилар рақсга тушди ва ҳикматли сўзлардан келтириб, бир-бири билан маълумот алмашди. Тадбир кўтаринки руҳда бўлиб ўтди.

Октябрь – филология фанлари ойлиги муносабати билан 6-синфлар кесимида “Тил-маърифат кўзгуси” шиори остида деворий газета ва буклетлар танлови, 9-10-11-синфлар орасида “Она тилим- фахрим, ифтихорим” мавзусида иншолар танлови бўлиб ўтди. Бундан ташқари, 7-8-синфлар ўртасида мушоира кечалари ҳамда  баҳс-мунозарали суҳбатлар ўтказилди. Она тили ва адабиёт ўқитувчилари бир-бирлари билан метод алмашиш мақсадида наъмунали дарслар ташкил қилди. Октябрь ойи якунига қадар фан ойлиги доирасидаги бадиий кеча ва танловлар давом этади.

У.Каримова, 40-сонли мактабнинг ижодий-маданий масалалар бўйича тарғиботчиси.