ДОИМИЙ КОМИССИЯ ЙИҒИЛИШИ ЎТКАЗИЛДИ

Шу йилнинг 22 ноябрида туман ҳокимлиги мажлислар хонасида Халқ депутатлари Амударё туман Кенгашининг Ахборот сиёсати ва маҳаллий давлат органларида очиқликни таъминлаш масалалари бўйича доимий комиссиянинг навбатдаги йиғилиши бўлиб ўтди. Йиғилишни доимий комиссия раиси Баҳодир Болтабоев очди ва олиб борди.

Йиғилишга Халқ депутатлари туман Кенгашининг Доимий комиссия раислари ва туман ҳокимининг курилиш бўйича ўринбосари, тегишли идора, ташкилотлар раҳбарлари ва вакиллари иштирок этди.

Йиғилишда “2022–2023-йилларда маҳаллалар инфраструктурасини янада яхшилаш бўйича қўшимча чора-тадбирлар тўғрисида”ги ПҚ-408-сонли қарори ижросини таъминлаш бўйича туманда олиб борилаётган ишлар танқидий кўриб чиқилди.

 Йиғилишда кун тартибидаги масала юзасидан қилинган маърузада Қарорга мувофиқ ҳудудларни обод қилиш, овул ва маҳаллаларда инфратузилма билан боғлиқ энг долзарб масалаларни тизимли ҳал этиш, аҳолига муносиб турмуш шароитларини яратиш мақсадида ички йўллар, ичимлик суви, электр энергияси таъминотини яхшилаш режалаштирилгани айтиб ўтилди. Шунингдек, қарор асосида ишлаб чиқилган дастурга мувофиқ 2та маҳаллага маъмурий бино қуриш ишлари режалаштирилган бўлиб, уларнинг бажарилиши устидан назоратни олиб бориш Қорақалпоғистон Республикаси Жўқорғи Кенгеси ва халқ депутатлари туман Кенгаши депутатлари зиммасига юклатилган. Шу кунларда депутатлар жойларда тушунтириш-тарғибот ишларини олиб бормоқдалар.

Йиғилишда туман ҳокимининг саноат, йирик қурилиш, коммуникация, коммунал хўжалиги ва ободонлаштириш масалалари бўйича ўринбосари Нодирбек Камолов Ўзбекистон Республикаси Президентининг 2022 йил 25 октябрдаги “2022-2023 йилларда маҳаллалар инфратузилмасини янада яхшилаш бўйича қўшимча чора-тадбирлар тўғрисида”ги қарорига асосан туманимиз ҳудудидаги мавжуд муаммоларни бартараф этиш ва инфратузилмасини ривожлантириш мақсадида амалга оширилиши белгиланган ишлар ҳақида батафсил ҳисобот берди.

Таъкидланганидек, юқоридаги қарор билан тасдиқланган дастурга мувофиқ туманимиз ҳудудида умумий қиймати 22 миллиард 209 миллион сўмлик қурилиш-таъмирлаш ишларини амалга ошириш белгиланган. Ушбу маблағлар ҳисобига жами 25 та объект, шундан 19 та маҳаллада ички йўлларни таъмирлаш, 2 та маҳаллада сув иншоотларини реконструкция қилиш, янгидан ичимлик суви тармоғини тортиш , 2 та маҳалла фуқаролар йиғини маъмурий биносини ва 1 та маҳаллада болалар спорт майдончасини янгидан қуриш, 1 та маҳаллада эса электр тармоқларини тортиш режалаштирилган.

Ажратилиши белгиланган маблағлар ҳисобидан туманимизнинг овул ва маҳаллаларида аҳолининг турмуш тарзига бевосита таъсир кўрсатувчи энг долзарб муаммоларни бартараф этиш кўзда тутилаётганлиги ахборотларда алоҳида қайд этиб ўтилди.

Йиғилишда Прездентнинг мазкур қарори асосида олиб борилиши лозим бўлган ишлар ва бу борада депутатлик назоратини ўрнатиш масалалари муҳокама қилинди.

Шунинг билан Халқ депутатлари туман Кенгашининг Ахборот сиёсати ва маҳаллий давлат органларида очиқликни таъминлаш масалалари бўйича доимий комиссияси йиғилиши якунланди.

Туман ҳокимлигининг Ахборот хизмати.