МИЛЛИЙ АРМИЯМИЗ –ТИНЧЛИК ҲИМОЯЧИСИ
Миллий Армия–суверен Ўзбекистоннинг метин қўрғони. Халқимиз тинч-осойишталигининг мустаҳкам кафолати. Бу мамлакатимиз мустақилликка эришгандан сўнг босиб ўтган тарихий 23 йил давомида Ўзбекистон Қуролли Кучларининг шаклланиши билан узвий боғлиқ ҳолда кечган ислоҳотлар жараёнида, юксак тараққиёт омилларида яққол намоён бўлади.Чунки, тинч ва осойишта юртдагина ривожланиш бўлади, юксалиш бўлади.
Бугунги суверен Ўзбекистонда барқарор тараққиётни, тинчликни таъминлаб турган Қуролли Кучларнинг ҳарбий ва ҳарбий-техникавий жанговарлик даражасини замон талабларига, айниқса, дунёда юз бераётган ҳар хил кўринишдаги таҳдид кучларига қарши тура оладиган тарзда шакллантириш мақсадида Қуролли Кучлар Олий Бош Қўмондони сифатида муҳтарам Президентимиз И.А.Каримов раҳбарлигида олиб борилаётган Қуролли Кучлар қурилишини ислоҳ қилиш соҳасидаги ишлар ниҳоятда кенг қамровлидир.
Биз суверен Ўзбекистоннинг Қуролли Кучларини ташкил этиш жараёнида ҳарбий қурилиш соҳасида мерос бўлиб қолган тажрибадан тўғридан-тўғри нусха кўчиришдан воз кечиб, аниқ ва реал геостратегик ва геосиёсий шароитни, замонавий урушлар ва қуролли можароларнинг қандай хусусиятларга эга эканини ҳар томонлама ҳисобга олдик,-деди муҳтарам Президентимиз, Қуролли Кучлар Олий Бош Қўмондони И.А.Каримов ўзининг Ўзбекистон Республикаси Қуролли Кучлари ташкил этилганининг 23 йиллиги муносабати билан Ватан ҳимоячиларига йўллаган байрам табригида. – Марказий Осиё минтақасида юз бериши мумкин бўлган ҳарбий ҳаракатлар театрининг ўзига хос жиҳатлари таҳлилидан келиб чиқиб иш тутдик ва шунингдек, ўзимизнинг азалий миллий фазилат ва анъаналаримизга таяндик.
Юртбошимиз ўз табригида Сержантлар мактаби таҳсилини олган ёшларимиз шижоати, матонат ва жасоратига алоҳида баҳо бериб: "Сержантлар сўзда эмас, амалда офицерларнинг энг ишончли ва яқин ёрдамчиси ҳамда таянчига, аскарларимизнинг меҳрибон мураббийсига айланди”, -дедилар алоҳида эҳтиром билан.
Бугунги кунда мамлакатимиз билан қўшни давлатларнинг айримларида вужудга келаётган вазиятни ҳисобга олсак, халқаро хавфсизлик ва барқарорликка таҳдидлар тобора кенгайиб бораётган бир шароитда мамлакатимизда тинчликни таъминлашга жуда катта ҳисса қўшаётган Ватан ҳимоячилари ҳар қандай ҳурмат ва эҳтиромга муносибдир. Қуролли Кучлар Олий Бош Қўмондони И.А.Каримов қайта-қайта таъкидлаганларидай, давлатимиз томонидан катта шараф ва эҳтиром кўрсатаётган миллий армиямиз офицер ва сержантлар таркибидан тортиб оддий аскаргача – барча-барчамиз "Минтақамизда ва бутун дунёда мураккаб ва олдиндан айтиб бўлмайдиган вазият вужудга келган бир шароитда хушёр ва огоҳ бўлиш, эришилган натижалардан хотиржамлик туйғусига берилмасдан, Қуролли Кучларимизни янада изчил ислоҳ қилиш бўйича қатъий ҳаракатларимизни давом эттириш, чегараларимизда кескинликни келтириб чиқариши мумкин бўлган барча урушларнинг олдини олиш” борасида масъулият туйғусини ҳар лаҳзада ҳис этиб яшашга бурчли эканимизни асло унутмаслигимиз керак.
Зеро, бурчга содиқлик – ҳар қандай таҳдид кучларига огоҳликдир. Огоҳлик эса тажовузкор ҳаракатларга ўз вақтида муносиб зарба беришдир. Миллий армиямизнинг бугунги салоҳияти бунга қодир ва халқимиз ўз Президенти.
раҳнамолигида танлаган йўл –энг адолатли –мамлакат ва миллат келажагини кўзловчи юксак тараққиёт йўлидир. Бу йўлдан халқимизни ҳеч қандай куч оғдира олмайди.
Робия ЙЎЛДОШЕВА,
журналист.
(Фото - http://www.uza.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
