Мактаб− таълим ва тарбия ўчоғи

Амударё телевидениесида Олий мажлис ҳузуридаги Нодавлат нотижорат ташкилотларни ва фуқаролик жамиятининг бошқа институтларини қўллаб-қувватлаш Жамоат фонди томонидан молиялаштирилган “Юксак маънавиятли ва ахлоқли ёшлар – келажак пойдевори” номли грант лойиҳаси доирасида ҳудудлардаги мактаблар орасидан маънавий ва маърифий ишлар яхши йўлга қўйилган энг илғор мактаблар фаолиятини кенг турда ёритиб бориш белгиланган.

 Амударё туманининг Бойовул маҳалласи ҳудудида жойлашган туман Халқ таълими бўлимига қарашли 56-сонли мактаб ҳам тумандаги энг намунали мактаблардан бири.

Ушбу мактабда фан олимпиадаларида юқори натижаларга эришиб, чет тили ва умумтаълим фанларидан халқаро ва миллий сертификатларни қўлга қиритган ўқувчи ёшлар талайгина.

Жумладан, мактабнинг 11-синф ўқувчиси Фарҳод Нурбоев 7.1 балл билан ЕILTS сертификати соҳиби бўлган бўлса, синифдоши Мадина Тлеубаева 6 балл билан мазкур сертификатни қўлга киритди.

Шунингдек, Муҳлиса Ўринбаева чет тиллари бўйича миллий сертификат СЕFRга имтиҳон топшириб В2 даражаси олди.

Мактабда инглиз тили ва аниқ фанларни ўқитишга бўлган талаб олдиндан юқори бўлиб келган.

Мактабнинг фидоий ўқитувчилари ўзларидаги бор билим ва тажрибани ўқувчиларга берибгина қолмасдан ўз устида доимий равишда изланишда ва интилишда.

 Мактабнинг инглиз тили фани ўқитувчиси Нигина Саидова ўз фанидан С1 сертификатини қўлга киритди. Информатика фанидан эса икки нафар, она тили фанидан бир нафар ўқитувчи миллий сертификатларни қўлга киритдилар.

Давлатимиз раҳбарининг бевосита ташаббуси билан жорий қилиниб мактаб ҳаётига кенг татбиқ этилган сетрификатлаш тизими орқали ўқувчилар ва ўқитувчиларнинг билим доираси кенгайибгина қолмасдан, улар учун каттадан катта имконият эшикларини очиб бермоқда.

 Жумладан, эндиликда умумтаълим фанлардан сертификатга эга бўлган ўқувчилар учун Олий таълим муассасалрига кириш имтиҳонларида мазкур фандан максимал балл берилади. Бу эса ўқувчининг ортиқча вақт сарифлашига йўл қўймайди.

 Шунингдек, чет тили фанидан сертификатга эга бўлган ўқитувчиларнинг иш ҳақига 50 фоиз, умумтаълим фанлардан сертификатни қўлга киритган ўқитувчиларнинг иш ҳақига 20 фоиз устама қўшилмоқда.

Албатта, меҳнат ўз вақтида эътироф этилса ва рағбатлантириб борилса ўсиш ва ривожланиш бўлади.

Таълим ва тарбия маскани бўлган мактабда ўқувчиларнинг ҳар томонлама ўсиб ва униши учун барча шароитлар яратилган.

 Билимли ва тажрибали ўқитувчилардан таълим-тарбия олиш баробарида ўқувчилар учун мактабнинг моддий техник базасини мустаҳкамлаш бўйича ҳам кўплаб шароитлар яратиб берилди.

 Кенг ва ёруғ синфхоналар, электрон тахталар. Замонавий русмдаги компютер хоналари, буларинг барчаси тиришқоқ ва интилувчан ўқувчилар учундир.

2 млрд 326,6 млн.сўм маблағ эвазига мактаб биносига қўшимча тарзда янги бино қуриб берилгани ҳам ўқувчилар учун катта совға бўлди. Қурилиш ишлари “Темир бетон” Масъулияти чекланган жамияти томонидан қисқа фурсатларда сифатли тарзда ниҳоясига етказилиб фойдаланишга топширилди.

Биз эса тиниб-тинчимас, билимли ва зукко ўқувчиларга ва уларнинг жонкуяр ўқитувчиларига фақатгина зафарлар тилаб қоламиз.

Туман ҳокимлигининг Ахборот хизмати.