АРХИВ ҲУЖЖАТЛАРИНИ АСРАБ-АВАЙЛАШ – МУСТАҚИЛ ВАТАНИМИЗ ВА ХАЛҚИМИЗГА ҲУРМАТ ИФОДАСИДИР

Қорақалпоғистон Республикаси Амударё тумани давлат архивида туман ҳалқининг моддий ва маънавий ҳаётини акс эттирган қимматли ҳужжатлар сақланади. Тарихий-илмий ва маданий аҳамиятга эга бўлган миллий архив фонди доимий равишда архив ҳужжатлари билан бойитиб борилмоқда.

2006 йилдан 2023 йилнинг шу даврига қадар собиқ совет даври ва мустақиллик даврларига тегишли 237та фонд ва уларда миллий архив фонди таркибига кирувчи, доимий сақланадиган 20 минг 883та муҳим ҳужжатлар, шахсий таркибга оид 14 минг 984та, жами 35 минг 867 ҳужжатлар сақланмоқда.

2023 йил йиллик режа доирасида Миллий архив фонди ҳужжатларнинг сақловини таъминлаш бўйича 55 та ҳужжатларда таъмирлаш, 65 та ҳужжатларда муқовалаш ва тикиш ишлари олиб борилди.

Архив иши, давлат сақловидаги архив ҳужжатларининг сақланиш ҳолати, архив муассасаларида замонавий ахборот-коммуникация технологияларини жорий килиш, моддий техника базасини яхшилаш буйича 2023 йилнинг ўтган даврида Миллий архив фонди ҳужжатларидан 107 минг 760та кадр электрон нусҳаси яратилди.

Миллий архив фонди ҳужжатларининг давлат ҳисоби илмий маълумотлар аппаратини ташкил этиш ва ривожлантириш, фондлар ва ҳужжатларни қабул қилиш бўйича 2023 йилнинг ўтган даври давомида доимий ва шахсий таркибга оид 2та фондга 150та ҳужжат қабул қилинди.

Давлат архивида сақланаётган ҳужжатларнинг мавжудлигини ва хатловини ташкил қилиш бўйича 2023 йилнинг ўтган даври давомида 643дан ортиқ ҳужжатларнинг мавжудлиги текширилди.

Амударё тумани давлат архивида сақланаётган ҳужжатлар бўйича фуқароларнинг ижтимоий-ҳуқуқий ва мавзули сўровларидан жами 1 минг 564 та мурожаатлар электрон тарзда, қолганлари бевосита архивга келиб мурожаат қилинган сўровномалардир.

Шулардан 1 минг 56 та мурожаат давлат хизматлари марказлари орқали ва 508таси бевосита архивнинг ўзига келиб қилинган мурожаатлар бўлиб, барча мурожаатларга ўз вақтида жавоблар берилди ва зарур тушунтириш ишлари олиб борилди.

2023 йилнинг 4-чораги режасида давлат архивида сақланаётган ҳужжатларни мобиль стелажлар билан таъминлаш, кадрлар малакасини ошириш, 150 мингта ҳужжатларнинг электрон нусҳаларини яратиш режалаштирилмоқда. Чунки архив ҳужжатларининг юқори аниқликда ва мукаммал тарзда сақланиши, аввало мамлакатимиз, қолаверса, туманимиз тарихига ҳурмат, халқимизнинг миллий-маънавий қадриятларига эътибор ва рағбатдир.

Йиллар, асрлар ўтаверади лекин халқимизнинг тарихий хотирасини мамлакатимизнинг миллий-маданий, иқтисодий сиёсий ҳаётда тутган ўрнини белгилаб берувчи мезонларни архивлар келгуси авлодга тўла-тўкис етказиб берувчи бугунги давр ва келажак ўртасидаги буюк кўприкдир. Шу боис, Амударё туман давлат архивида сақланаётган ҳар бир ҳужжатни асраб-авайлаш – бу мустақил Ватанимиз тарихи ва халқимизга нисбатан ҳурмат ва эҳтиром ифодасидир.

Б.ЖУМАНИЯЗОВ, Қорақалпоғистон Республикаси Амударё тумани давлат архиви директори.