ТУМАНДА БОТУЛИЗМНИНГ ОЛДИНИ ОЛИШ БЎЙИЧА ТАДБИРЛАР ЎТКАЗИЛДИ
Ботулизм – озиқ-овқатдан заҳарланиш натижасида келиб чиқадиган хавфли касаллик ҳисобланади. Ушбу касалликка чалиниш ҳолатлари куз-қиш ва баҳор ойларида жуда кўп учрайди. Шу сабабли аҳоли ўртасида ботулизм касаллигига чалинишнинг олдини олиш мақсадида Амударё тумани СЭО ва ЖСБ ҳамда Ветеринария бўлими лабораторияси ходимлари билан ҳамкорликда Деҳқон бозорида рейд тадбирлари ўтказилди.
Рейд тадбирлари давомида Ўзбекистон Республикасининг 1997 йил 30 августдаги “Озиқ-овқат махсулотларининг сифати ва хавфсизлиги тўғрисида”ги Қонуни, Ўзбекистон Республикасининг 2015 йилги “Аҳолининг Санитария эпидемиологик осойишталиги тўғрисида”ги Қонуни ижроси ҳамда Ўзбекистон Республикаси Соғлиқни Сақлаш Вазирлигининг 2012 йил 10 июлдаги тегишли буйруғи, Деҳқон бозорларига оид санитария қоида меъёрлари ва гигиеник нормативлар талаблари ижросини таъминланди. Шунингдек, аҳоли ўртасида турли хил кўринишдаги овқатдан заҳарланиш, ўткир юқумли ошқозон-ичак касалликлари, хусусан ботулизм каби хавфли овқатдан заҳарланиш касалликларининг олдини олиш, аҳолининг санитария-эпидемиологик осойишталигини таъминлаш мақсадида санитария-профилактик тадбирлар ҳам ўтказилди. Санитария-тарғибот ишлари давомида юқумли касалликлар олдини олишга қаратилган буклетлар тарқатилди.
Тадбир давомида сифати кафолатланмаган уй шароитида тайёрланган озиқ-овқат маҳсулотлари савдодан четлатилди.
Б.Калмуродов, туман СЭО ва ЖСБ санитария шифокори ёрдамчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
