26 июнь – Халқаро гиёҳвандликка қарши курашиш куни муносабати билан тадбирлар ўтказилди

Қорақалпоғистон Республикаси Вазирлар Кенгашининг 2024 йил 21 июндаги “26 июнь – Халкаро гиёҳвандликга қарши курашиш куни”га бағишлаб тадбирларни уюшқоқлик билан ташкил этиш ҳақидаги баённомаси ижросини таъминлаш мақсадида Амударё туман Тиббиёт Бирлашмаси тасарруфидаги кўп тармоқли марказий полилиника, оилавий поликлиникалар, оилавий шифокорлик пунктлари ходимлари аҳоли орасида ОФЙ, МФЙ, корхона ва ташкилотларда, шунингдек аҳоли кўп тўпланадиган бекатларда, йўналишли транспортларда “Гиёҳвандлик – умр заволи”, “Ўзингни қурбон қилма”, “Гиёҳвандлик қулига айланма”, “Оқ ажал тузоғига тушма”, “Ёшлар ўртасида назоратсизлик ёмон оқибатларга олиб келади”, “Қаровсизлик, ҳуқуқбузарликларнинг олдини олиш ва уларнинг салбий таъсирлардан сақланиш” мавзуларида суҳбатлар ўтказилди.

26 июнь куни туман хокимлиги, маданият бўлими ва тиббиёт бирлашмаси саломатлик ва стратегик ривожланиш институти туман булими, нарколог шифокорлар иштирокида Манғит деҳқон бозори атрофида, одамлар гавжум бўлган жойларда “26 июнь – Халқаро гиёҳвандликга қарши кураш куни” га бағишланган “Йуқ дейишга ўзингда куч топ” шиори остида акция ўтказилди.

Ёшларнинг гиёхвандлик борасидаги огохлигини оширишга қартилган буклет ва эслатмалар, магазин пештахталарига, йўналишли автобус, микроавтобус ва таксиларга тарқатилди ва кўринадиган жойларга илиб қўйилди.

Туман маданият бўлими ходими О.Бегимов, нарколог шифокор У.Явкашев, ҳамшира Р.Уразбоева, шифокор Ж.Явкашев, Т.Саидова, ассистент Ч.Эрназаровлар гиёҳвандлик ва наркожиноятларнинг салбий оқибатларидан огоҳлантирувчи тарғибот - ташвиқот тадбирларида иштирок этдилар.

Гиёҳвандлик йўлидан кетаётган инсон аста-секин ўзининг барча маънавий хислатларини йўқотиб боради: руҳияти меъёридан чиқиб кетади; дўстларини, кейин эса оиласини йўқотади; умуман ишсиз ва яшаш учун маблағсиз қолади; жиноий муҳитга тортилиб кетади; ўзига ва атрофдагиларга бир дунё бахтсизлик олиб келиши муқаррар. Касалликда энг даҳшатлиси шуки, нафақат ўсмирларнинг ўзи, балки уларнинг ота-оналари ҳам гиёҳванд моддаларга пайдо бўлган тобеликни ҳалокатли оқибатини ўта кеч тушунади.

Гиёҳвандликнинг олдини олишда албатта оила ва жамиятнинг роли беқиёсдир. Аҳоли ўртасидаги маърифий ва маънавий, тарғибот ишларининг ҳам аҳамияти ниҳоятда катта. Шундай экан, барчадан ушбу иллатнинг тарқалишига қарши курашиш борасида фаол бўлишларини сўраб қоламиз.

Ж.Явкашев, Саломатлик ва стратегик ривожланиш институти туман бўлими шифокори