Барча участка сайлов комиссиялари сайловга тайёр
Айни кунларда муҳим сиёсий тадбир – Олий Мажлис Қонунчилик палатаси ва маҳаллий Кенгашларга бўлиб ўтадиган сайловларга тайёргарлик жараёни бутун мамлакатимиз бўйлаб якуний паллага кирган. Маълумки, Сайлов Кодексига мувофиқ ушбу муҳим сиёсий жараёнга камида олтмиш кун қолганида сайлов участкалари тузилади. Амударё туманидаги участка сайлов комиссиялари ҳам қонунчиликда кўрсатилган муддатда шакллантирилиб, ўз фаолиятларини қонун талаблари асосида олиб бормоқда.
Маркази Амударё тумани Ихтисослаштирилган мактаби биносида жойлашган 93-сонли сайлов участкасида туманнинг Фаровон маҳалласида яшовчи 1392 нафар сайловчилар рўйхатга олинган. Бинода комиссияси раиси, ўринбосари, котиби ва аъзолари ҳамда сайловчилар учун барча шароитлар яратилган бўлиб, комиссия аъзолари сайловни қонун талаблари асосида ўтказишга алоҳида масъулият билан ёндошмоқдалар.
Участка сайлов комиссияси учун махсус хоналар ажратилган бўлиб, ушбу хоналар ва овоз бериш хонаси белгиланган талабларга мувофиқ жиҳозланган. Овоз бериш хонасида яширин овоз бериш учун етарли миқдорда кабиналар мавжуд бўлиб, сайлов бюллетенларини бериш учун жойлар ажратилган ҳамда сайлов қутилари ўрнатилган. Участка сайлов комиссияси жойлашган бино ҳамда овоз бериш хонаси Ўзбекистон ва Қорақалпоғистон Республикаларининг Давлат байроқлари, герблари, сайлов участкасининг тартиб рақами кўрсатилган пешлавҳа, металл шкаф, ёзув анжомлари билан таъминланган ва яширин овоз бериш кабиналари билан таъминланган.
Қолаверса, бинода жисмоний имконияти чекланган шахслар учун махсус жиҳозланган яширин овоз бериш кабинаси, кўчма сайлов кабинаси, стационар сайлов қутиси, кўчма сайлов қутиси ва бошқа зарур жиҳозлар ҳам тахт қилиб қўйилган.
Участка сайлов комиссияси аъзолари участка бўйича сайловчиларнинг рўйхатини аниқлаш ва тасдиқлаш, фуқароларни сайловчилар рўйхати билан таништириш, рўйхатда йўл қўйилган хатолар ва ноаниқликлар тўғрисидаги аризаларни қабул қилиш ҳамда кўриб чиқиш ва зарур ҳолларда рўйхатга тегишли ўзгартиришлар киритиш, сайлов куни ўз яшаш жойида бўлиш ва овоз беришда иштирок этиш имкониятига эга бўлмаган сайловчилардан тўлдирилган сайлов бюллетенларини қабул қилиб олиш, аҳолини сайлов куни ва овоз бериш жойи тўғрисида хабардор этиш каби вазифаларни ўз муддатларида бажармоқдалар.
Амударё тумани Маданият маркази биносида эса 88-сонли участка сайлов комиссияси жойлашган. Бинонинг кириш қисмида сайловчилар рўйхати, Ўзбекистон Республикаси Олий Мажлиси қонунчилик палатасига, Қорақалпоғистон Республикаси Жўқорғи Кенгесига ва халқ депутатлари Амударё туман Кенгашига депутатликка номзодлар рўйхати, уларнинг таржимаи ҳоллари, сиёсий партиялар ва номзодларнинг сайловолди дастурлари ҳамда бошқа зарур ахборотлар мавжуд бўлган баннерлар ва плакатлар осилган.
Бино зарур мебеллар, оргтехника воситалари, телефон, телевизор, Сайлов жараёнини бошқариш ахборот тизими талабларига жавоб берувчи компьютер ва уларга керакли бўлган мосламалар, узлуксиз интернет алоқаси ҳамда ёнғинга қарши воситалар билан таъминланган. Бинода сиёсий партиялардан, фуқароларнинг ўзини ўзи бошқариш органларидан, бошқа давлатлар ва халқаро ташкилотлардан келадиган кузатувчилар учун алоҳида жойлар ажратилган.
Участка сайлов комиссиясининг сайлов бюллетенларини беришга масъул аъзолари учун ажратилган столларда сайловчилар фамилиясининг бош ҳарфлари кўрсатилган белгилар ўрнатилган. Тиббиёт хонаси бирламчи тиббий воситалар, биринчи тиббий ёрдам кўрсатиш учун зарур воситалар билан таъминланган.
Зарур ҳолларда участка сайлов комиссиясининг тўлиқ таркиби иштирокида йиғилишлар ўтказилиб, йиғилишларда сайловга тайёргарлик жараёни муҳокама қилиб борилмоқда ва йўл қўйилган камчиликларни бартараф қилиш бўйича зарур чоралар кўрилмоқда.
Бир сўз билан айтганда, Амударё туманидаги барча участка сайлов комиссиялари сайловга тайёргарлик ишларини якунлаб, сайлов кунида овоз бериш жараёнини қонун талаблари асосида ташкил қилиш масаласига бор эътиборини қаратган.
Шу ўринда барча сайловчиларни ўз конституцион ҳуқуқларидан фойдаланган ҳолда сайловда қатнашиб, ўзлари муносиб деб билган партия ва номзодларга овоз беришга чақирамиз.
Ғ.Ешниёзов
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
