БОҒЧАДА СОҒЛОМ ТУРМУШ ТАРЗИ ТАРҒИБ ҚИЛИНДИ
Жамиятимизда соғлом турмуш тарзини қарор топтириш, айниқса, ўсиб келаётган ёш авлодни мурғак болалигидан бошлаб санитария-гигиена қоидаларига риоя этишга ўргатиш орқали уларнинг ҳар томонлама етук ва баркамол инсонлар бўлиб вояга етишларини таъминлаш нафақат ҳар бир ота-онанинг, балки таълим-тарбия соҳаси ходимлари, шу билан бирга шифокорларнинг ҳам зиммаларидаги масъулиятли вазифаларидир.
Бу борада Амударё туман Тиббиёт бирлашмаси шифокорлари томонидан мунтазам равишда амалга оширилаётган тиббий-маслаҳат тадбирлари, таълим-тарбия муассасаларида ўтказилаётган “Саломатлик сабоқлари” мавзусидаги профилактик тадбирлар муҳим аҳамият касб этмоқда.
Ана шундай тадбирлардан бири жорий йилнинг 6 ноябрь санасида Амударё туман мактабгача ва мактаб таълими бўлими тасарруфидаги 43-сонли мактабгача таълим ташкилотида ҳам бўлиб ўтди.
“Саломатлик сабоқлари” мавзусида ўтказилган мазкур тадбирда туман Тиббиёт бирлашмаси шифокорлари Т.Саидова, М.Абдураҳимова, Г.Мадиёровалар ҳамда 43-сонли МТТ ходимлари, шунингдек, муассаса тарбияланувчилари иштирок этдилар.
Тадбирда шифокорлар муассаса ходимларига тарбияланувчиларда кундалик ҳаётда соғлом турмуш тарзига, хусусан, шахсий гигиена қоидаларига амал қилиш, тозаликка риоя этиш кўникмасини шакллантириш борасида тавсиялар бердилар.
Шунингдек, тарбиячи-ходимлар учун репродуктив саломатликни сақлаш, эрта ва қариндошлар никоҳининг зарарли оқибатлари, қандли диабет касаллигидан сақланиш хусусида ҳаётий мисоллар орқали маълумот ва керакли тавсиялар ҳам бердилар. Жажжи болажонлар эса қўлларини ювиб, тоза юриш муҳимлиги тўғрисидаги маълумотларга эга бўлдилир ва шифокор опаларининг маслаҳатларига қатъий амал қилишга сўз бердилар.
Маҳмуджон Шомуродов
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
