BOGʻChADA SOGʻLOM TURMUSh TARZI TARGʻIB QILINDI
Jamiyatimizda sogʻlom turmush tarzini qaror toptirish, ayniqsa, oʻsib kelayotgan yosh avlodni murgʻak bolaligidan boshlab sanitariya-gigiyena qoidalariga rioya etishga oʻrgatish orqali ularning har tomonlama yetuk va barkamol insonlar boʻlib voyaga yetishlarini taʼminlash nafaqat har bir ota-onaning, balki taʼlim-tarbiya sohasi xodimlari, shu bilan birga shifokorlarning ham zimmalaridagi masʼuliyatli vazifalaridir.
Bu borada Amudaryo tuman Tibbiyot birlashmasi shifokorlari tomonidan muntazam ravishda amalga oshirilayotgan tibbiy-maslahat tadbirlari, taʼlim-tarbiya muassasalarida oʻtkazilayotgan “Salomatlik saboqlari” mavzusidagi profilaktik tadbirlar muhim ahamiyat kasb etmoqda.
Ana shunday tadbirlardan biri joriy yilning 6-noyabr sanasida Amudaryo tuman maktabgacha va maktab taʼlimi boʻlimi tasarrufidagi 43-sonli maktabgacha taʼlim tashkilotida ham boʻlib oʻtdi.
“Salomatlik saboqlari” mavzusida oʻtkazilgan mazkur tadbirda tuman Tibbiyot birlashmasi shifokorlari T.Saidova, M.Abdurahimova, G.Madiyorovalar hamda 43-sonli MTT xodimlari, shuningdek, muassasa tarbiyalanuvchilari ishtirok etdilar.
Tadbirda shifokorlar muassasa xodimlariga tarbiyalanuvchilarda kundalik hayotda sogʻlom turmush tarziga, xususan, shaxsiy gigiyena qoidalariga amal qilish, tozalikka rioya etish koʻnikmasini shakllantirish borasida tavsiyalar berdilar.
Shuningdek, tarbiyachi-xodimlar uchun reproduktiv salomatlikni saqlash, erta va qarindoshlar nikohining zararli oqibatlari, qandli diabet kasalligidan saqlanish xususida hayotiy misollar orqali maʼlumot va kerakli tavsiyalar ham berdilar. Jajji bolajonlar esa qoʻllarini yuvib, toza yurish muhimligi toʻgʻrisidagi maʼlumotlarga ega boʻldilir va shifokor opalarining maslahatlariga qatʼiy amal qilishga soʻz berdilar.
Mahmudjon Shomurodov
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
