Маданият соҳаси вакиллари ва нодавлат нотижорат ташкилотлари учун семинар-тренинг ташкил этилди
6 февраль куни Ўзбекистон маданият ва санъат институти Нукус филиалида “Соҳага инвестицияларни жалб қилиш ва чет эл грантлари билан ишлаш” мавзусида Қорақалпоғистон Республикасидаги маданият соҳаси вакиллари ва нодавлат нотижорат ташкилотлари учун семинар-тренинг бўлиб ўтди.
Мазкур тадбир Ўзбекистон нодавлат нотижорат ташкилотлари миллий ассоциацияси Қорақалпоғистон Республикаси ҳудудий бўлинмаси, Қорақалпоғистон Республикаси Вазирлар Кенгашининг Ташқи беғараз кўмак маблағларини жалб қилиш ва донорлар билан ишлаш бўлими ва Қорақалпоғистон Республикаси Маданият вазирлиги билан ҳамкорликда ташкил этилди. Тадбирда Қорақалпоғистон Республикасида фаолият юритаётган маданият муассасалари, ижодий уюшмалар ҳамда нодавлат нотижорат ташкилотлари вакиллари иштирок этди.
Тадбир Қорақалпоғистон Республикаси Вазирлар Кенгашининг Ташқи беғараз кўмак маблағларини жалб қилиш ва донорлар билан ишлаш бўлими бошлиғи Камалатдин Идирисов ҳамда Ўзбекистон нодавлат нотижорат ташкилотлари миллий ассоциацияси Қорақалпоғистон Республикаси ҳудудий бўлинмаси бошлиғи Қуўат Каримходжаевлар томонидан кириш сўзи билан очиб берилди ҳамда маданият соҳаси ва нодавлат нотижорат ташкилотлари вакиллари учун халқаро молиявий имкониятларнинг аҳамияти алоҳида таъкидланди.
Семинар-тренинг иштирокчиларга халқаро грантлар ва инвестицияларни жалб қилиш жараёнини тушунтириш, грант лойиҳаларини ишлаб чиқишда йўл қўйилаётган хатоларни бартараф этиш ва молиявий имкониятлардан самарали фойдаланиш бўйича кўникмаларни шакллантиришга хизмат қилгани билан аҳамиятли бўлди. Шунингдек, иштирокчиларга халқаро ташкилотлар билан ҳамкорлик қилиш, грант олиш учун зарур ҳужжатлар тўплами, лойиҳа ғоясини тўғри шакллантириш ва молиявий ҳисоботларни юритиш бўйича амалий тушунчалар берилди.
Тадбир давомида мутахассислар томонидан “Грант ўзи нима?”, “Грант мавзулари бўйича сайтлар рўйхати”, “Грант лойиҳаларини тайёрлашда муаммоларни аниқлаш ва уларнинг ечимларини тўғри кўрсатиш” каби мавзуларда фикр-мулоҳазалар билдирилиб, грант маблағлари ва уларнинг турли шакллари ҳамда халқаро ташкилотлар ва агентликлар томонидан эълон қилинадиган грант танловларига қандай мурожаат қилиш мумкинлиги батафсил тушунтирилди. Иштирокчилар амалий машғулотлар орқали грант лойиҳаларини ёзишда йўл қўйиладиган хатолар ва уларни тузатиш йўллари билан таништирилди. Шунингдек, грант ажратувчи ташкилотларнинг молиявий шаффофлик бўйича талабларини бажариш, ҳисобдорлик ва ҳисобот юритиш жараёнлари ҳақида аниқ тавсиялар берилди.
Семинар-тренингнинг амалий машғулотлар қисмида грант лойиҳаларини тайёрлаш шартлари, ҳисобдорлик масалалари, лойиҳаларнинг молиявий таркиби ва самарадорлигини ошириш бўйича қимматли маслаҳатлар берилди. Шунингдек, иштирокчилар билан жонли мулоқот қилиниб, грант танловларида муваффақиятга эришиш учун қандай стратегиялар ишлаб чиқиш лозимлиги борасида йўл-йўриқлар кўрсатилди.
Тадбир давомида иштирокчилар ўзларини қизиқтирган барча саволларга мутахассислар томонидан батафсил жавоб ва тавсиялар олишди.
Шоҳзод Қурбонбоев
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
