Авф – халқимизга хос олийжаноб қадрият
Инсонпарварлик, бағрикенглик, кечиримлилик, меҳр-оқибат ва эзгулик каби инсоний фазилатлар халқимизга хос олийжаноб қадриятлардандир. Бугунги кунда мамлакатимизда амалга оширилаётган ислоҳотлар, хусусан, инсонпарварлик сиёсати айнан шу фазилатларнинг амалий ифодасидир. Президентимиз Шавкат Мирзиёев томонидан Муборак Рамазон ҳайити арафасида эълон қилинган “Жазо муддатини ўтаётган, қилмишига чин кўнгилдан пушаймон бўлган ва тузалиш йўлига қатъий ўтган бир гуруҳ шахсларни афв этиш тўғрисида”ги Фармон ҳам ана шу юксак ғояларга таянади.
Фармонга мувофиқ, Ўзбекистон Республикаси Конституциясининг 109-моддаси 23-бандига асосан жами 488 нафар шахс афв этилди. Улардан 100 нафари асосий жазодан тўлиқ озод этилган бўлса, 268 нафари жазони ўташдан муддатидан илгари шартли равишда озод қилинди. Шунингдек, 34 нафар шахснинг озодликдан маҳрум этиш жазоси енгилроқ жазога алмаштирилди, 86 нафар шахсга тайинланган жазо муддати қисқартирилди.
Мазкур Фармон ижросини таъминлаш, афв этилган шахсларнинг жамиятга мослашувини осонлаштириш ҳамда уларга амалий ёрдам кўрсатиш мақсадида юртимиз бўйлаб тегишли чора-тадбирлар амалга оширилмоқда. Масъул вазирлик ва идоралар томонидан афв этилганларнинг оила бағрига қайтиши, фойдали меҳнат билан банд бўлиши, соғлом турмуш тарзини йўлга қўйиши учун зарур шарт-шароитлар яратилмоқда.
Амударё туманида истиқомат қилувчи, 2001 йилда туғилган фуқаро Сардор Муродбоев ҳам ҳозирги вақтда қилмишига чин кўнгилдан пушаймон бўлган ва тузалиш йўлига қатъий ўтгани учун мазкур Фармонга асосан афв этилди. Жорий йилнинг 3 апрель куни Ўзбекистон Республикаси ИИВ Малака ошириш институти бошлиғи ўринбосари, полковник Баходир Улуғбеков бошчилигида Қорақалпоғистон Республикаси ИИВ Жамоат хавфсизлиги хизмати Пробация бўлими бошлиғи, подполковник Бахром Уббиниязов, туман ИИБ Ҳуқуқбузарлик профилактикаси бўлими бошлиғи, подполковник Илхом Абутов ҳамда Пробация гуруҳи ходимлари Муродбоевнинг яшаш манзилида бўлишиб, унинг турмуш шароити, оилавий аҳволи ва мавжуд муаммоларини ўрганишди.
У билан олиб борилган суҳбатда афв — бу жамиятнинг ишончи экани, мамлакатимиздаги инсонпарвар сиёсат ҳамда яратилган имкониятлардан тўғри фойдаланиш зарурлиги алоҳида таъкидланди. Шу билан бирга, бундан буён ҳаётни янги саҳифадан бошлаш, ҳалол меҳнат билан жамиятга фойда келтириш лозимлиги хусусида тавсиялар берилди. Шунингдек, Президентнинг 2022 йил 29 июнь кунги тегишли Қарори асосида дастлабки ижтимоий-моддий ёрдам пакетини олишда амалий кўмак кўрсатилиши таъкидланди.
Масъуллар томонидан Сардор Муродбоевга зарур тавсия ва маслаҳатлар берилди. Шунингдек, унинг ота-онасини ҳам ўғлининг оила бағрига қайтгани муносабати билан табрикладилар.
Аслида, афв — бу нафақат кечирим, балки давлатнинг инсонга бўлган ишончидир. Бу ишончни оқлаш эса ҳар бир афв этилган шахснинг инсоний бурчи ва маънавий масъулиятидир. Чунки бугун кечирилган ҳар бир инсон — эртанги жамиятнинг фаол аъзосига айланиши мумкин. Берилган имконият эса унинг ҳаётини, келажагини сақлаб қолиш демакдир.
Азамат Ортиқов, туман ИИБ Пробация гуруҳи катта инспектори, капитан.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
