Ёшлар сиёсатидаги ислоҳотлар ижроси юзасидан матбуот анжумани ўтказилди
Юртимизда ёшларга қаратилаётган эътибор, ғамхўрлик мамлакатимизда олиб борилаётган сиёсатнинг энг устувор йўналишларидан биридир. Зеро, ёшлар мамлакат келажаги бўлиб, бутун жамиятнинг ҳар томонлама ривожланиши барча жабҳаларда ёшлар фаолияти учун яратилаётган шароитларга боғлиқ.
Амударё туманида давлатимиз раҳбари ташаббуси билан ёшлар сиёсатида амалга оширилаётган ислоҳотлар ижроси борасидаги ишларга бағишланган матбуот анжумани бўлиб ўтди.
Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги директори ҳамда Қорақалпоғистон Республикаси Вазирлар Кенгаши Раиси томонидан жорий йил 2-чорак учун тасдиқланган медиа-режага асосан ташкил этилган матбуот анжуманида туман ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари Нодирбек Камолов, Ёшлар ишлари агентлиги туман бўлими масъуллари, туман ҳокимлиги Ахборот хизмати масъуллари, “Амударё” телеканали ва “Тараққиёт кўзгуси” газетаси журналист ва мухбирлари иштирок этди.
Тадбирни туман ҳокими ўринбосари Нодирбек Камолов кириш сўзи билан очиб берди. У ўз сўзида бугунги кунда давлатимиз раҳбари томонидан очиқлик ва ошкоралик сиёсатини амалга оширишда оммавий ахборот воситаларининг ўрни ва аҳамиятига алоҳида эътибор қаратилаётгани хусусида тўхталди.
Матбуот анжуманида Ёшлар ишлари агентлиги туман бўлими бошлиғи Бегзод Ўринбоев кун тартибидаги мавзу юзасидан ҳисобот берди.
Ҳисоботда таъкидланганидек, сўнгги йилларда мамлакатимизда аҳоли, шу жумладан, ёшларнинг ижтимоий ҳимояга муҳтож, турмуш шароити оғир, ишсиз ва касб-ҳунарга эга бўлмаган, ҳуқуқий ва маънавий-психологик қўллаб-қувватлашга зарурати бўлган қатламига давлат томонидан манзилли кўмаклашиш бўйича мутлақо янгича тизим жорий қилинди. Бу борадаги ислоҳотлар ижросини таъминлаш юзасидан туманда кенг кўламли ишлар олиб борилмоқда.
Хусусан, 2024 йил давомида 187 нафар ёшлар доимий иш ўринларига жойлаштирилган, 160 нафари касб-ҳунарга ўқитилган, 246 нафарига субсидия асосида меҳнат қуроллари берилган, 1104 нафарига деҳқончилик учун жами 400,5 гектар экин майдонлари ажратиб берилган. Бундан ташқари, 364 нафар ёшларга тадбиркорлик учун кредит ажратилган, 77 нафари ҳарбий хизматга юборилган. Амалга оширилган ишлар натижасида 2024 йилнинг ўзида 2 минг 138 нафар ёшларнинг бандлигини таъминлашга эришилган. 2025 йил бошидан шу кунгача “Ёшлар дафтари”га 203 нафар ёшлар киритилган бўлиб, уларнинг 119 нафарига амалий ёрдамлар кўрсатилган. Ҳозирда ёшлар дафтаридаги 86 нафар ёшларни қўллаб-қувватлаш, уларнинг бандлигини таъминлаш, касб-ҳунарга ўқитиш борасида тизимли ишлар ташкил этилмоқда.
Матбуот анжуманида оммавий ахборот воситалари вакиллари томонидан ёшлар сиёсатидаги ислоҳотлар ижроси юзасидан йўлланган саволларга масъуллар томонидан аниқ жавоблар берилди.
Чарос Арслонова, туман ҳокимлигининг Ахборот хизмати раҳбари.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
