45-сонли умумтаълим мактабида “Касбий ривожланиш соати” машғулотлари ўтказилди

Амударё тумани Мактабгача ва мактаб таълими бўлими тасарруфидаги 45-сонли умумтаълим мактабида “Касбий ривожлантириш соати” лойиҳаси доирасида ўқитувчилар учун амалий машғулот — очиқ дарс ташкил этилди. Бундай тадбирлар ўқитувчиларнинг касбий маҳоратларини ошириш, янги инновацион таълим усуллари билан таништириш ва педагогик фаолиятни такомиллаштиришда муҳим аҳамиятга эга. Очиқ дарсда бошланғич синф ўқитувчилари фаол иштирок этди.

Тадбирда методик ёндашувлар ва дидактик ўйинлар орқали таълим жараёнининг самарадорлигини оширишга эътибор қаратилди ва замонавий таълим усуллари ва методик ёндашувлар намойиш қилинди. Ўқитувчиларга ўз билимларини янгилаш, инновацион ўқув воситалари билан танишиш ва уларни ўз дарсларида қўллашга иштиёқни оширишга қаратилган фаолиятлар олиб борилди. Шу билан бирга, педагогик фаолиятнинг самарадорлигини оширишга катта эътибор берилди, бу эса таълим жараёнида ўқувчиларни фаол ва қизиқарли тарзда ўқитиш имкониятларини яратади.

Тадбирда бошланғич синф ўқитувчиси, етакчи педагог Дилфуза Абдураҳмонова ўзининг бой тажрибаси ва методик ёндашувлари орқали ҳамкасблари билан тажриба алмашди. Машғулот давомида ўқитувчиларга таълимга универсал дизайн модули асосида ёндашув намойиш этилди. Мазкур метод синфдаги ҳар бир ўқувчининг индивидуал хусусиятларини ҳисобга олишга қаратилган бўлиб, нафақат бошланғич синфда, балки бутун таълим тизимида тобора кенг қўлланилмоқда.

Очиқ дарсда, шунингдек, математикани ўқитишда янги ва инновацион усуллар намойиш қилинди. Дилфуза Абдураҳмонова “Балиқ ови”, “Сеҳрли сандиқ” ва “Иссиқ чой” каби таълим-тарбия ўйинларидан фойдаланиб, таълим жараёнини қандай жонли ва қизиқарли қилиш мумкинлигини кўрсатди. Ушбу методлар ўқитувчиларни ўз дарсларида дидактик ўйинларни қўллашга илҳомлантирди. Дидактик ўйинлар ёрдамида дарснинг самарадорлиги ва ўқувчиларнинг мавзуга бўлган қизиқиши ошади. Ўқитувчилар шу орқали ўқувчиларнинг таълимга бўлган қизиқишини қандай ошириш мумкинлигини ўргандилар.

“Касбий ривожланиш соати” машғулотлари педагоглар ўртасидаги ўзаро тажриба алмашиш, илғор педагогик усуллар билан танишиш ва амалий кўникмаларни мустаҳкамлашга хизмат қиляпти. Ҳар ҳафтанинг шанба куни байрамона руҳда ўтказиладиган ушбу тадбирлар ўқитувчиларни янги билимлар билан таништиради ва уларга инновацион ёндашувларни қўллаш имкониятини яратади. Ўқитувчилар ўзаро тажриба алмашиб, ўз ишларида янгиликлардан бохабар бўлишади. Бу, ўз навбатида, таълим тизимининг ривожланишига, ўқувчилар учун сифатли таълимни таъминлашга ёрдам беради.

Дилфуза Абдураҳмонованинг педагогик малакаси ва янги методларни ўрганишга ундовчи ёндашуви, шунингдек, болалар психологиясини чуқур англашга асосланган педагогик ёндашуви ҳамкасблари учун ибрат бўлиб хизмат қиляпти. Бу каби тажриба алмашиш ўқитувчиларнинг ўз ишларига ёндашувларини яхшилаш, уларга методик жиҳатдан янгиликларни ўзлаштиришга ёрдам беради. Очиқ дарслар педагогларнинг касбий ривожланишига ва педагогик фаолиятнинг самарадорлигини оширишга катта ҳисса қўшди.

Бошланғич синф ўқитувчилари учун ташкил этилган бундай машғулотлар ўқитувчиларнинг касбий маҳоратини янада оширишда муҳим восита бўлиши шубҳасиз.

Севинч Ўмирбоева, Ўзбекистон жаҳон тиллари университети талабаси, таҳририят амалиётчиси.