Қорақалпоғистон қишлоқ хўжалиги ва агротехнологиялар институтида битирувчи-ёшларга мутахассислик дипломлари тантанали равишда топширилди
Қорақалпоғистон қишлоқ хўжалиги ва агротехнологиялар институти мамлакат аграр тизимининг асосий йўналишлари бўйича етук мутахассислар тайёрлашга ихтисослашган нуфузли таълим масканларидан бири саналади. Институтда таълим-тарбия ишлари жаҳон андозаларига мутаносиб тарзда олиб борилади. Хусусан, қишлоқ хўжалигига янги, инновацион технологияларни жорий этиш, пахтачилик, ғаллачилик, пиллачилик, чорвачилик каби йўналишларда юқори малакали кадрларни тайёрлашдан ташқари, тажриба-хўжалик лабораторияларида олиб бориладиган илмий изланишларнинг ижобий натижаларини аграр тизим билан интеграциялашган ҳолда амалиётга кенг жорий этишда билимдон, изланувчан талабалар иштирокини таъминлашга алоҳида эътибор қаратилади.
Яқинда 2021 – 2025 ўқув йиллари оралиғида институтда ўзларининг алоҳида билим ва салоҳиятлари ва интилишлари орқали устозларининг берган билимларини қунт билан ўзлаштириб, институтни муваффақиятли тугатган битирувчи-талабаларга мутахассислик дипломларини топширишга бағишланган тантанали маросим бўлиб ўтди.
Тантанали маросимда институт ректори Бердияр Жоллибеков, проректорлар, факультетлар деканлари, институт педагогика жамоаси, профессор-ўқитувчилар, битирувчи-ёшлар ва уларнинг ота-оналари иштирок этдилар.
Тадбирни институт ректори Бердияр Жоллибеков очди ва битирувчиларни самимий табриклади. У ўз сўзида мамлакатимизда ёшларнинг ҳар томонлама чуқур билим олишлари, бакалаврият таҳсилидан сўнг ўқишни кейинги босқичларда муваффақиятли давом эттиришлари, хусусан, ўзларининг илмий салоҳиятларини рўёбга чиқаришлари учун яратилган шарт-шароитлар, давлатимизнинг билимдон ёшларга кўрсатаётган чексиз ғамхўрлиги хусусида батафсил тўхталди.
Шу билан бирга ўз ҳаётларининг янги босқичига қадам қўяётган битирувчи-ёшларга, албатта, ушбу даргоҳда ўтган ҳар бир кунда устозларидан олган назарий билим ва амалий тажриба уларнинг келажак ҳаёт йўлларида таянч бўлишини алоҳида таъкидлаб, институт таҳсилини олган бугунги ёшлар мамлакат тараққиёти ва жамият фаровонлигига муносиб ҳисса қўшишига ишонч билдирди ҳамда келажакдаги мақсадларига эришишларида ўзаро ҳамжиҳатликка даъват этди.
Шундан сўнг, институтнинг барча факультетларида таҳсил олган ва ўзларининг намунали хулқ-атворлари, кучли билим ва салоҳиятлари билан ўқишда ҳамда жамоат ишларида энг юқори натижаларга эришган битирувчиларга мутахассислик дипломлари ва эсдалик совғалари топширилди.
Тантанали маросим давомида сўзга чиққан битирувчи-ёшларнинг ота-оналари ва тадбир меҳмонлари институтут педагогика жамоасига, айниқса, ўзларининг халқаро даражадаги билим ва тажрибалари орқали фарзандларининг етук мутахассис кадрлар бўлиб етишишларида фидойилик кўрсатган профессор-ўқитувчиларга чуқур миннатдорчилик билдирдилар.
Робия Йўлдошева.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
