10 нафар маҳкум муддатидан илгари шартли озод қилинди
Мамлакатимизда ҳуқуқий демократик давлат ва адолатли жамият қуриш жараёнида инсонпарварлик тамойиллари тобора мустаҳкамланмоқда. Жиноят содир этган шахсларни тузалиш йўлига қайтариш, уларга янгидан ҳаётда муносиб ўрин эгаллаш имкониятини яратиш мақсадида суд-ҳуқуқ тизимида муҳим ишлар амалга оширилмоқда. Шу мақсадда жойларда очиқ ва сайёр суд мажлислари ташкил этилиб, жамиятда ҳуқуқий онг ва ҳуқуқий маданиятни юксалтиришга ҳисса қўшилмоқда.
2025 йил 5 сентябрь куни Жиноят ишлари бўйича Амударё туман суди раиси Ж.Балтабаев, судья ёрдамчиси Э.Жуманиёзов, Амударё туман прокурорининг катта ёрдамчиси Р.Темирбаев, туман ИИО Пробация гуруҳи катта инспектори Р.Искандаровнинг иштирокида Бой овул МФЙнинг маъмурий биносида очиқ ва сайёр суд мажлиси бўлиб ўтди.
Очиқ сайёр суд мажлисида Ўзбекистон Республикаси ЖКнинг 73-моддаси (Жазони ўташдан муддатидан илгари шартли озод қилиш) тартибида илгари жиноят содир қилиб, ҳозирги кунда тузалиш йўлига қатъий ўтган ҳамда ўрнатилган тартиб-қоида талабларини бажарган ва меҳнатга ҳалол муносабатда бўлган 10 нафар маҳкумга нисбатан қўлланилган жазоларнинг ўталмай қолган қисмини ўташдан муддатидан илгари шартли равишда озод қилиш масаласи кўриб чиқилди.
Суд ҳукми билан маҳкумлар жазони ўташдан муддатидан илгари шартли равишда озод қилиниб, уларга жазонинг ўталмаган қисми мобайнида қасддан янги жиноят содир этган тақдирда Жиноят Кодекснинг 60-моддасида (бир неча ҳукм юзасидан жазо тайинлаш) назарда тутилган қоидаларга мувофиқ жазо тайинлаши ҳақида тўлиқ тушунтиришлар берилиб ўтилди.
Ўтказилган ушбу сайёр суд мажлиси маҳкумларни ижтимоий ҳаётга қайтариш, уларни меҳнатга ва соғлом турмуш тарзига йўналтиришда муҳим аҳамият касб этди. Шу билан бирга, бундай очиқ суд жараёнлари аҳоли ўртасида қонунларга ҳурмат, жиноятга нисбатан муросасизлик туйғуларини ҳамда ҳуқуқий маданиятни юксалтиришга хизмат қилади.
Жасурбек Балтабаев, Жиноят ишлари бўйича Амударё туман судининг раиси
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
