Сайёр қабуллар – халқ ва давлат ўртасидаги мулоқотнинг энг самарали кўприги
Амударё тумани Бобур номли овул фуқаролар йиғини биносида Қорақалпоғистон Республикаси Вазирлар Кенгаши Раисининг туризм, маданият, маданий мерос ва оммавий коммуникациялар масалалари бўйича ўринбосари Расул Зарекеев иштирокида навбатдаги сайёр қабул бўлиб ўтди. Тадбирда туман ҳокимининг ўринбосарлари, идора ва ташкилотлар раҳбарлари, фуқаролар ҳамда оммавий ахборот воситалари вакиллари қатнашдилар.
Сайёр қабул жараёнида аҳолининг долзарб масалалари эшитилиб, уларнинг ечимлари бўйича мутасадди раҳбарларга аниқ топшириқлар берилди. Аҳоли вакилларидан уй-жойини шиферлаш, оқар сув етказиб бериш, электр трансформаторини алмаштириш, тиббий ёрдам билан таъминлаш каби масалаларда мурожаатлар қабул қилинди. Ҳар бир мурожаатчининг масаласи индивидуал тартибда ўрганилиб, ижобий ҳал қилиш бўйича масъулларга аниқ муддат белгиланган вазифалар юкланди.
Хусусан, овулда яшовчи Матякуб Қўчқаров электр трансформатор эскирганлиги сабабли уни янгисига алмаштиришда амалий ёрдам бериш ҳақида, Икром Атажанов даволаниши учун моддий ёрдам ажратиб бериш масаласида, Шукурулла Тажиев келинини даволатиши учун моддий ёрдам ажратиб бериш бўйича, Ўролбай Раҳимов кўчаларга қўшимча электр симлари тортиш ҳамда “Ҳамроз-2” кўчаси йўлларни чиқариб бериш масаласида амалий ёрдам сўраб мурожаат қилди. Давлатбой Абдуллаев эса томорқа ерларини суғориш учун оқар сув етказиб беришда амалий ёрдам сўраб мурожаат қилди. Мурожаатларнинг барчаси тегишли тартибда ўрганилиб, уларга ижобий ечим топиш мақсадида тегишли мутасаддиларга йўналтирилди.
Бугун сайёр қабуллар оддий учрашув эмас, балки давлатнинг халқ билан юзма-юз мулоқот қилишининг энг самарали механизмларидан бирига айланган. Аҳоли ўз дардини, муаммосини маҳалланинг ўзида, раҳбарларга бевосита етказиш имконига эга. Бу эса масалаларни жойида ҳал этиш, турли бюрократик тўсиқларни камайтириш, фуқароларнинг давлат идораларига бўлган ишончини мустаҳкамлашга хизмат қилмоқда.
Қорақалпоғистон Республикаси Вазирлар Кенгаши Раиси ўринбосари Расул Зарекеевнинг Бобур овулидаги сайёр қабули ҳам айнан шу мақсад – халқнинг мурожаатини эшитиш, ҳаётий муаммоларига ечим топиш ва жойларда аҳолининг яшаш шароитларини яхшилашга қаратилгани билан аҳамиятли бўлди. Қабул давомида кўтарилган ҳар бир масала бўйича масъуллар зиммасига аниқ топшириқлар берилгани эса сайёр қабулларнинг амалий ишлар майдони эканидан далолат беради.
Амударё туманида ўтказилаётган ҳар бир сайёр қабул маҳаллалардаги ҳаёт сифатини яхшилаш, аҳоли муаммоларини ўз вақтида кўриб чиқиш ва давлат хизматларининг аҳолига янада яқин бўлишини таъминлаш йўлида муҳим воситага айланмоқда.
Чарос Арслонова, туман ҳокимлигининг Ахборот хизмати раҳбари.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
