ФАРОВОН МАҲАЛЛАСИДАГИ ЭҲТИЁЖМАНД ОИЛАЛАР ДОИМИЙ ЭЪТИБОРДА
Ижтимоий ҳимоя одамлар нигоҳида ногиронлиги бўлган шахслар, кам таъминланган оилалар, кекса ёшдаги одамларнинг ҳаёти билан боғлиқдек кўринади. Аммо мантиқан олиб қарайдиган бўлсак, ҳозирги кунда ижтимоий ҳимоя таълим, соғлиқни сақлаш, ижтимоий-маънавий ҳаётнинг турли жабҳаларига кириб бормоқда.
Манғит шаҳрининг Фаровон маҳалласида ҳам ногиронлиги бўлган болаларнинг инклюзив таълимга жалб қилиниши, уларнинг соғлиғини мустаҳкамлаш мақсадида ногиронлиги бўлган муҳтож шахсларга протез-ортопедия мосламалари ва реабилитация воситаларини навбат кутмасдан ваучер асосида, 20 фоиз рағбатлантириш сифатида тақдим этилаётгани комплекс ижтимоий хизмат ҳар бир эҳтиёжманд оилага кириб борганидан далолатдир.
“Маҳалла еттилиги” билан ҳамкорликда уйма-уй кириб бориб ўтказилган хатлов натижаларига кўра, маҳалла ҳудудидаги 2534 нафар аҳолининг турмуш тарзи индивидуал ёндашув асосида ўрганилди ва 88 нафар ногиронлиги бўлган шахслар, 63 нафар кам таъминланган оилалар, 1 нафар ўзгалар парваришига муҳтож якка-ёлғиз фуқаро комплекс ижтимоий хизматлар билан қамраб олинди. Шунингдек, протез-ортопедия мосламалари ва реабилитация воситаларига муҳтож 7 нафар ногиронлиги бўлган шахс ваучер асосида зарур мосламалари билан таъминланди.
Ўзгалар парваришига муҳтож кексалар ва ногиронлиги бўлган шахсларнинг кундалик ҳаёт тарзини яхшилаш бўйича ҳам тегишли чоралар кўрилди. Унга кўра, 6 нафар ўзгалар парваришига муҳтож фуқароларга ижтимоий хизмат кўрсатувчи ассисентлар бириктирилди. 15 та камбағаллик реестри рўйхатидаги муҳтож оилаларга уч нафар кўнгилли ҳомий бириктирилиб, бу оилалар ҳам ҳар томонлама қўллаб-қувватланди.
Маҳалла аҳлининг ўзаро ҳамжиҳатлиги туфайли турли байрам саналари муносабати билан камбағаллик реестрига киритилган, шунингдек, кам таъминланган ва эҳтиёжманд оилалар, ногиронлиги бўлган шахсларни йўқлаб бориш, уларнинг кўнгилларини кўтариш, байрамона кайфият улашиш мақсадида хайр-саховат тадбирларини ўтказиш доимий анъанага айланган.
Ҳар бир оилада байрам шукуҳи ҳукм суриши учун байрамлар арафасида совға-саломлар улашиш, айниқса, ногиронлиги бўлган болажонлар қалбида ҳаётсеварлик туйғуларини уйғотиш мақсадида уларнинг ҳар бири билан мулоқотлар ўтказиш, инклюзив таълим билан қамраб олиш орқали алоҳида қобилият ва иқтидорларини намоён этишлари учун шарт-шароитлар яратишга эътибор қаратилади.
Айни кунларда Фаровон маҳалласида 8 декабрь — Ўзбекистон Республикаси Конституцияси куни ҳамда Янги йил байрамларига қизғин тайёргарлик кўрилмоқда. Халқимиз севиб нишонлайдиган ушбу байрамлар арафасида кам таъминланган, эҳтиёжманд ҳамда боқувчисини йўқотган оилалар, ногиронлиги бўлган болалар ва катта ёшдаги шахслар ҳолидан хабар олиш, байрам совғаларини тақдим этиш, уларга хушкайфият бағишлашга қаратилган тадбирларни амалга ошириш режалаштирилган.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
