Кураш бўйича Амударё тумани очиқ биринчилиги мусобақалари ўтказилди
Ўсиб келаётган ёш авлодни ҳар томонлама етук ва соғлом қилиб вояга етказишда мамлакатимизда амалга оширилаётган спорт-соғломлаштириш тадбирлари муҳим аҳамиятга эга. Чунки мазкур тадбирлар орқали спортсевар ёшлар ўртасида ўзлари қизиққан йўналишлар бўйича жиддий шуғулланиш, бу борадаги куч ва имкониятларини амалда намоён этишга бўлган қизиқиш ва интилишлари ортиб, турли спорт мусобақаларида ютуқларга эришишларига замин яратилади.
Амударё туманида ҳам ёшлар спортини ривожлантириш, айниқса, умумтаълим мактаблари ўқувчилари ўртасида спортнинг олимпия турлари бўйича мусобақалар ташкил этиш орқали кучли, иқтидорли ва иродали спортчиларни аниқлаш ҳамда уларни ҳудудий, мамлакат ва халқаро миқёсдаги мусобақаларга тайёрлаш борасидаги амалий ишлар яхши йўлга қўйилган. Шу боис, амударёлик спортчилар орасида турли халқаро мусобақалар ва турнирлар ғолиблари, Осиё ва жаҳон чемпионатлари совриндорлари, халқаро олимпиада ўйинлари иштирокчилари етишиб чиқмоқда.
Яқинда Ўзбекистон Республикаси Конституцияси қабул қилинган кун муносабати билан спортнинг кураш тури бўйича 2011-2012 ҳамда 2014-2015 йилларда туғилган ўсмир ёшлар ўртасида ўтказилган Амударё тумани очиқ биринчилиги мусобақалари ҳам иқтидорли, ўзига ишонган ва кучли спортсевар ёшларни аниқлашга қаратилгани билан муҳим аҳамият касб этди.
Юқори савияда ташкиллаштирилган ва қизғин таассуротларга бой тарзда ўтказилган мусобақаларда республикамизнинг барча туманларидан 300 нафарга яқин кураш спорти билан шуғулланувчи ўсмир ёшдаги ўғил ва қиз болалар иштирок этдилар.
Мусобақаларнинг ҳалоллик ва шаффофлик асосида ўтказилишини таъминлаш мақсадида иштирокчиларга мураббийлари томонидан олдиндан мусобақани ўтказиш бўйича ишлаб чиқилган Низом талаблари юзасидан зарур тушунчалар берилиб, кураш спортининг қоидалари бўйича билим ва кўникмалари синовдан ўтказилди ва барча иштирокчилар мусобақада юқори даражадаги тайёргарлик босқичларидан ўтган ҳолда қатнашдилар.
Дўстона вазиятда, ҳар бир спортчининг қалбида ғалабага бўлган ишонч туйғуси билан ўтган мусобақалар иштирокчилар учун ҳақиқий байрамга айланиб кетди. Айниқса, ўсмир қизлар ўртасидаги кураш баҳслари ёрқин таассуротларга бой бўлди. Улар нафақат спортда ўзаро беллашдилар, балки бир-бирларига нисбатан дўстона ва самимий муносабатларини ҳам амалда намоён этишиб, ғолиб спортчиларни чин дилдан муборакбод этдилар.
Мусобақалар якунида ғолиб ва совриндорлар Амударё тумани спорт мактаби томонидан диплом ва медаллар билан тақдирландилар.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
