Ижтимоий ходимларга компьютер жамланмалари тарқатилди
Сўнгги йилларда мамлакатимизда аҳолининг ижтимоий ҳимояга муҳтож қатламларини қўллаб-қувватлаш чоралари, ижтимоий ёрдам ва хизматлар кўрсатишнинг шаффоф ва рақамлаштирилган янги тизимини жорий этиш бўйича тизимли ислоҳотлар амалга оширилмоқда. “Камбағалликдан фаровонлик сари” дастурини амалга ошириш, ҳудудларда аҳолининг яшаш шароитини яхшилаш, тадбиркорликни ривожлантириш ҳамда камбағалликни қисқартириш бўйича янгича ёндашувларни жорий этилмоқда.
Ўзбекистон Республикаси Президентининг 2025 йил 30 январдаги “Аҳолини ижтимоий ҳимоя қилиш тизимини молиялаштириш тартиб-таомилларини такомиллаштириш тўғрисида”ги Фармонига мувофиқ туман ва шаҳарлар ҳокимликлари ҳузурида юридик шахс мақомига эга бўлмаган “Инфратузилма ва ижтимоий барқарорлик” жамғармаларини ташкил этиш белгиланган ҳамда ушбу маблағлар жойлардаги “Инсон” ижтимоий хизматлар марказлари ҳамда иқтисодиёт ва молия бўлимлари билан келишилган ҳолда аҳоли ҳаётига доир ижтимоий лойиҳаларни амалга оширишга йўналтирилиши кўпдан-кўп ижтимоий муаммолар ечимини топиш имконини бермоқда.
Амударё туманида ҳам Президент Фармонида белгилаб берилган вазифалар ижросини таъминлаш, аҳолининг фаровон ҳаёт кечиришига салбий таъсир кўрсатаётган ижтимоий муаммоларни бартараф этишга қаратилган манзилли ишлар амалга оширилмоқда. Бунда, албатта, “Инсон” ижтимоий хизматлар марказининг маҳаллаларда фаолият олиб борувчи комплекс ижтимоий хизмат кўрсатувчи ходимларининг саъй-ҳаракатлари муҳим аҳамиятга эга.
Янги йил байрами арафасида Амударё туманидаги овул ва маҳаллаларда фаолият юритаётган ижтимоий ходимларни қўллаб-қувватлаш, ижтимоий хизматлар ва ёрдамлар қамровини янада кенгайтириш ҳамда аҳолига маҳалла даражасида намунали хизмат кўрсатиш самарадорлигини ошириш мақсадида уларни ахборот технологиялари билан таъминлаш чоралари кўрилди.
Ўзбекистон Республикаси Президентининг 2025 йил 30 январдаги “Аҳолини ижтимоий ҳимоя қилиш тизимини молиялаштириш тартиб-таомилларини такомиллаштириш тўғрисида”ги 17-сонли Фармони, Ўзбекистон Республикаси Президенти Администрациясининг 2025 йил 2 октябрдаги махсус топшириқ хати ижросини таъминлаш мақсадида “Инфратузилма ва ижтимоий барқарорлик” жамғармаси ҳисобидан жами 366 млн 765 минг сўм маблағ ажратилиб, ижтимоий ходимларга хизмат бобида фойдаланиш учун компьютер жамланмалари олиб берилди. Бу эндиликда ижтимоий ходимлар иш фаолияти самарадорлигини янада ошириш имконини беради.
Чиндан ҳам, “Камбағалликдан фаровонлик сари” дастурининг муваффақияти бевосита маҳаллаларда фаолият юритаётган ижтимоий ходимларнинг фидойилиги ва уларга яратилган шароитларга боғлиқ. Замонавий рақамли технологиялар билан таъминланган ижтимоий ходимлар эндиликда муҳтож қатламнинг дардини нафақат эшитади, балки уларнинг муаммоларини тизимли равишда, тезкор ҳал қилиш имконига эга бўлади. Бу каби ислоҳотлар инсон қадрини улуғлаш ва жамиятда ижтимоий адолатни қарор топтириш йўлидаги изчил ҳаракатларнинг мевасидир. Зеро, давлатнинг ижтимоий сиёсати ҳар бир хонадонга, ҳар бир инсон ҳаётига кириб бориши фаровон ва барқарор жамият қуришнинг асосий гарови саналади.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
