Ёшларнинг севимли устози
Бугунги давр ёшлари ҳар жабҳада ўз иқтидорларини намойиш қилмоқда. Адабиёт, санъат, маданият, спорт ва таълим соҳаларида катта ютуқларни қўлга киритаётган ёшлар халқимизнинг ишончи ва фахридир.
Бизнинг Амударё қишлоқ хўжалик касб-ҳунар коллежимизда ўқувчиларнинг пухта билим олишлари учун барча шароитлар яратилган. Спорт зали, замонавий усулда жиҳозланган компьютер хонаси, фан тўгараклари, ахборот-ресурс маркази ишлаб турибди. Шу боис, ўқувчиларимиз орасидан фан олимпиадалари ғолиблари етишиб чиқмоқда. 2015 йилнинг 31 март-4 апрель кунлари Нукус шаҳрида академик лицей ва касб-ҳунар коллежлари ўқувчилари орасида III босқич фан олимпиадаси бўлиб ўтди. Унда бизнинг Амударё қишлоқ хўжалик касб-ҳунар коллежимиздан математика, биология, рус тили, инглиз тили фанларидан жами 8 нафар ўқувчиларимиз қатнашиб, шулардан 7-12 "Агрономия” гуруҳидан Шаҳзод Жумабоев мате-матика фанидан 2-ўринни, 8-13 "Пахтага бирламчи ишлов бериш” гуруҳидан Дилмурод Собиров фахрли 3-ўринни эгалладилар. Коллежимиз ўқувчиларидан 3 нафари математика фанидан жаҳон олимпиадаси саралаш босқичида қатнашиб, шулардан 2-босқич ўқувчиси Дилмурод Собиров фахрли 1-ўринни эгаллаб қайтди ва нуфузли ташкилотлар томонидан фахрий ёрлиқ билан мукофотланди.
Коллежимиз ўқувчиларининг ахборот-ресурс марказидан унумли фойдаланганликлари ҳам яхши самара бермоқда. Ўқувчиларни фанлар олимпиадасига тайёрлашда коллежимизнинг олий тоифали математика фани ўқитувчиси Азимбой Сафарбоевнинг ҳиссаси катта. Тажрибали устоз Азимбой ака коллежда "Ёш математиклар” тўгарагига раҳбарлик қилади. Айни кунда "Ёш математиклар” тўгарагига аъзо ўқувчилар сони 50 нафардан ошди. Устознинг ҳар йили "Ёш математиклар” тўгарагида таҳсил олган ўқувчиларидан 92 фоизи олий ўқув юртларига ўқишга кириб, талаба бўлиш бахтига муяссар бўлишмоқда. Биз ўз ишига фидойи, ёшларнинг севимли устози Азимбой ака Сафарбоевнинг бундан кейинги ишларига ривож тилаймиз.
Дилфуза БОЙЖОНОВА, Амударё қишлоқ хўжалик касб-ҳунар коллежи ахборот-ресурс
маркази ходими.
(Фото - http://uza.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
