Yoshlarning sevimli ustozi
Bugungi davr yoshlari har jabhada oʻz iqtidorlarini namoyish qilmoqda. Adabiyot, sanʼat, madaniyat, sport va taʼlim sohalarida katta yutuqlarni qoʻlga kiritayotgan yoshlar xalqimizning ishonchi va faxridir.
Bizning Amudaryo qishloq xoʻjalik kasb-hunar kollejimizda oʻquvchilarning puxta bilim olishlari uchun barcha sharoitlar yaratilgan. Sport zali, zamonaviy usulda jihozlangan kompyuter xonasi, fan toʻgaraklari, axborot-resurs markazi ishlab turibdi. Shu bois, oʻquvchilarimiz orasidan fan olimpiadalari gʻoliblari yetishib chiqmoqda. 2015 yilning 31-mart-4-aprel kunlari Nukus shahrida akademik litsey va kasb-hunar kollejlari oʻquvchilari orasida III bosqich fan olimpiadasi boʻlib oʻtdi. Unda bizning Amudaryo qishloq xoʻjalik kasb-hunar kollejimizdan matematika, biologiya, rus tili, ingliz tili fanlaridan jami 8 nafar oʻquvchilarimiz qatnashib, shulardan 7-12 "Agronomiya” guruhidan Shahzod Jumaboyev mate-matika fanidan 2-oʻrinni, 8-13 "Paxtaga birlamchi ishlov berish” guruhidan Dilmurod Sobirov faxrli 3-oʻrinni egalladilar. Kollejimiz oʻquvchilaridan 3 nafari matematika fanidan jahon olimpiadasi saralash bosqichida qatnashib, shulardan 2-bosqich oʻquvchisi Dilmurod Sobirov faxrli 1-oʻrinni egallab qaytdi va nufuzli tashkilotlar tomonidan faxriy yorliq bilan mukofotlandi.
Kollejimiz oʻquvchilarining axborot-resurs markazidan unumli foydalanganliklari ham yaxshi samara bermoqda. Oʻquvchilarni fanlar olimpiadasiga tayyorlashda kollejimizning oliy toifali matematika fani oʻqituvchisi Azimboy Safarboyevning hissasi katta. Tajribali ustoz Azimboy aka kollejda "Yosh matematiklar” toʻgaragiga rahbarlik qiladi. Ayni kunda "Yosh matematiklar” toʻgaragiga aʼzo oʻquvchilar soni 50 nafardan oshdi. Ustozning har yili "Yosh matematiklar” toʻgaragida tahsil olgan oʻquvchilaridan 92 foizi oliy oʻquv yurtlariga oʻqishga kirib, talaba boʻlish baxtiga muyassar boʻlishmoqda. Biz oʻz ishiga fidoyi, yoshlarning sevimli ustozi Azimboy aka Safarboyevning bundan keyingi ishlariga rivoj tilaymiz.
Dilfuza BOYJONOVA, Amudaryo qishloq xoʻjalik kasb-hunar kolleji axborot-resurs
markazi xodimi.
(Foto - http://uza.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
