УСТОЗНИНГ ШУКРОНАСИ
Ҳар бир ҳунарнинг, ҳар бир касбнинг ҳаётимизда тутган ўрни беқиёс, ана шундай касбларнинг ичида энг аҳамиятлиси, инсондан фидойиликни талаб қиладигани бу – ўқитувчилик касби.
Мана шундай фидойи касб соҳибларидан бири – эл ардоғидаги инсон, кўплаб шогирдлар етиштирган Мингтурған оға Казиевдир.
Мингтурған Казиев 1936 йилда Куюк кўпир овулида дунёга келган. Аввал ўз овулидаги бошланғич мактабда, кейинчалик овулдан анча йироқ бўлган Хитой овулидаги ҳозирги 2-сонли мактабда ўқишни давом эттиради. У мактабда барча фанлардан аъло баҳоларга ўқиди, айниқса математика фанига бошқача меҳр қўйди. 1954 йилда мактабни тугатган Мингтурған оға Нукус Давлат педагогика институтинининг физика-математика факультетига ўқишга кириб, бу илм даргоҳини 1959 йилда тугатди. Шу йили 2-сонли мактабга физика-математика фани ўқитувчиси бўлиб ишга кирди. Жонкуяр ўқитувчи 1961 йилдан илмий ишлар бўйича директор ўринбосари лавозимида хизмат қилди. 1963 йилда 19-сонли мактаб директори қилиб тайинланди. 1965 йилгача директор лавозимида хизмат қилди. 1965 йилдан 1992 йилгача шу мактабда ўқув ишлари бўйича директор ўринбосари лавозимида ишлаб, то 1994 йили, нафақага чиққунига қадар ўқувчиларга физика-математика фанидан сабоқ берди.
Мингтурған оға Казиевнинг оиласида тарбия топган 7 нафар фарзандлари ҳам ўқимишли, касб-корли, эл-юрт хизматига камарбаста инсонлар бўлиб вояга етдилар. Фарзандларининг 4 нафари олий маълумотли, набиралари илмга интилувчан, одобли.
- Замонамизга шукур, - дейди. Мингтурған оға, - Шундай дориломон, фаровон кунларга етказганига шукур. Ўғил-қизларим, набираларим яйраб ўқишаётир. Мактаб ва коллежлардаги шароитларни айтмайсизми? Ўқув хоналари, дарсликлар, замонавий таълим жиҳозлари – буларни биз тушимизда ҳам кўрмаганмиз. Мактаб ва коллеж, академик лицей ўқитувчисининг бугунги таълим тизими тараққиётидан нолишига асло ҳаққи йўқ. Биз бир замонлар ойлаб маошсиз ҳам ишлаганмиз. Бугунги муаллим эл ардоғида, мактаб ва коллеж, академик лицей тўлиқ давлат назоратида ва ҳимоясида. Ана шундай эзгуликлар даврида ишлаётган ёшларга ҳавасим келади.
Мингтурған оға Казиевнинг юзлаб шогирдлари таълим тизими, соғликни сақлаш, маданият ва аграр соҳанинг фидойилари бўлиб етишдилар. Шогирдлари камолидан кўкси тоғдай юксалган устознинг тилидан асло шукроналар тушмайди.
Юлдуз ЮСУПОВА, Амударё мелиорация ва сув хўжалиги касб-ҳунар коллежи
ўқувчиси.
(Фото - http://uza.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
