2013 йил 12 апрель куни Қорақалпоғистон Республикаси Вазирлар Кенгашида ўтказилган йиғилиш баёнидан КЎЧИРМА

I. Амударё тумани бўйича:

25. Қишлоқ ва сув хўжалиги вазирлиги (Хамраев) Молия вазирлиги (Абдуллаев), Иқтисодиёт вазирлиги (Хўжаев) билан биргаликда бир ой муддатда Амударё туманидаги «Алили-яб» ва «Шўр-яб» каналларини реконструкция қилиш масаласини ўрганиб чиқиб, Вазирлар Маҳкамасига белгиланган тартибда таклиф киритсин.

26. Соғликни сақлаш вазирлиги (Алимов)нинг Амударё тумани Дўстлик маҳалласидаги Силга қарши диспансер амбулаторияси қисқартирилганлиги ҳамда Қипчоқ овулидаги Силга қарши диспансер биноларини реконструкция ишлари Вазирлар Маҳкамасининг 2011 йил 5 мартдаги 62-сонли қарорига асосан 2015 йил Дастурига киритилганлиги тўғрисидаги ахбороти маълумот учун қабул қилинсин.

27. Қишлоқ ва сув хўжалиги вазирлиги (Ҳамраев) Қорақалпоғистон Республикаси Вазирлар Кенгаши (Янгибаев) ҳамда лойиҳа корхоналари билан биргаликда 15 кун муддатда Амударё тумани суғориладиган ерларининг сув таъминотини пухта ўрганиб чиқиб, уни янада яхшилаш масаласи бўйича Вазирлар Маҳкамасига таклиф киритсин.

28. Қишлоқ ва сув хўжалиги вазирлиги (Хидиров) "Микрокредитбанк” (Сайфиддинов) билан бирга 15 кун муддатда 2013 йилда қорамолчилик, паррандачилик, балиқчилик ва асаларичилик тармоқларини ривожлантириш, чорва моллари маҳсулдорлигини ошириш ва маҳсулот ишлаб чиқариш ҳажмларини кўпайтириш чора-тадбирлари Дастурига киритилган Амударё туманидаги "Бобожонов Жаҳонгир” фермер хўжалигига гўшт етиштириш йўналишидаги лойиҳасига 300 млн. сўм кредит маблағи ажратиш масаласини ҳал қилсинлар.

29. Республика йўл жамғармаси (Шукуров), "Ўзавтойўл” компанияси (Абдуллаев), Қорақалпоғистон Республикаси Вазирлар Кенгаши (Янгибаев) бир ой муддатда Амударё туманини Қорақалпоғистон Республикасидаги бошқа туманлар билан боғлаб турувчи Давлат аҳамиятидаги 4р181 "Қипчоқ пристани-Манғит шаҳри-Туркманистон Республикаси чегараси” автомобиль йўлининг 4 км.да жойлашган пантон кўприги ўрнига узунлиги 350 метр бўлган темир-бетон кўприк қурилишини кейинги йиллар Дастурига киритиш масаласини ўрганиб чиқиб, Вазирлар Маҳкамасига таклиф киритсинлар.

30. "Ўзбекэнерго” компанияси (Басидов): бир ой муддатда узунлиги 25 км. Қаратоу-Манғит подстанциялари орасидаги 110 кВ заҳира электр тармоғини ва Манғит подстанциясининг реконст-рукцияси ишларининг лойиҳа-смета ҳужжатлари 2013 йилда бажарилишини таъминлаб, қуриш ва реконструкция ишлари 2014 йил Инвестиция Дастурига киритсин.

Амударё тумани, Манғит шаҳри Дўстлик ва Ойбек маҳаллаларига 2 дона         160 Кв, Навоий, Олмазор маҳаллаларига 2 дона 400 Кв, Беруний маҳалласига ва Қангли, Хитой овул фуқаролар йиғини ҳудудига 4 дона 100 Кв бўлган жами 8 дона трансформаторлар ўрнатилишини таъминласин.

Ўзбекистон Республикасининг

Бош вазири Ш.Мирзиёев.