2013-yil 12-aprel kuni Qoraqalpogʻiston Respublikasi Vazirlar Kengashida oʻtkazilgan yigʻilish bayonidan KOʻChIRMA

I. Amudaryo tumani boʻyicha:

25. Qishloq va suv xoʻjaligi vazirligi (Xamrayev) Moliya vazirligi (Abdullayev), Iqtisodiyot vazirligi (Xoʻjayev) bilan birgalikda bir oy muddatda Amudaryo tumanidagi «Alili-yab» va «Shoʻr-yab» kanallarini rekonstruktsiya qilish masalasini oʻrganib chiqib, Vazirlar Mahkamasiga belgilangan tartibda taklif kiritsin.

26. Sogʻlikni saqlash vazirligi (Alimov)ning Amudaryo tumani Doʻstlik mahallasidagi Silga qarshi dispanser ambulatoriyasi qisqartirilganligi hamda Qipchoq ovulidagi Silga qarshi dispanser binolarini rekonstruktsiya ishlari Vazirlar Mahkamasining 2011-yil 5-martdagi 62-sonli qaroriga asosan 2015-yil Dasturiga kiritilganligi toʻgʻrisidagi axboroti maʼlumot uchun qabul qilinsin.

27. Qishloq va suv xoʻjaligi vazirligi (Hamrayev) Qoraqalpogʻiston Respublikasi Vazirlar Kengashi (Yangibayev) hamda loyiha korxonalari bilan birgalikda 15 kun muddatda Amudaryo tumani sugʻoriladigan yerlarining suv taʼminotini puxta oʻrganib chiqib, uni yanada yaxshilash masalasi boʻyicha Vazirlar Mahkamasiga taklif kiritsin.

28. Qishloq va suv xoʻjaligi vazirligi (Xidirov) "Mikrokreditbank” (Sayfiddinov) bilan birga 15 kun muddatda 2013-yilda qoramolchilik, parrandachilik, baliqchilik va asalarichilik tarmoqlarini rivojlantirish, chorva mollari mahsuldorligini oshirish va mahsulot ishlab chiqarish hajmlarini koʻpaytirish chora-tadbirlari Dasturiga kiritilgan Amudaryo tumanidagi "Bobojonov Jahongir” fermer xoʻjaligiga goʻsht yetishtirish yoʻnalishidagi loyihasiga 300 mln. soʻm kredit mablagʻi ajratish masalasini hal qilsinlar.

29. Respublika yoʻl jamgʻarmasi (Shukurov), "Oʻzavtoyoʻl” kompaniyasi (Abdullayev), Qoraqalpogʻiston Respublikasi Vazirlar Kengashi (Yangibayev) bir oy muddatda Amudaryo tumanini Qoraqalpogʻiston Respublikasidagi boshqa tumanlar bilan bogʻlab turuvchi Davlat ahamiyatidagi 4r181 "Qipchoq pristani-Mangʻit shahri-Turkmaniston Respublikasi chegarasi” avtomobil yoʻlining 4 km.da joylashgan panton koʻprigi oʻrniga uzunligi 350 metr boʻlgan temir-beton koʻprik qurilishini keyingi yillar Dasturiga kiritish masalasini oʻrganib chiqib, Vazirlar Mahkamasiga taklif kiritsinlar.

30. "Oʻzbekenergo” kompaniyasi (Basidov): bir oy muddatda uzunligi 25 km. Qaratou-Mangʻit podstantsiyalari orasidagi 110 kV zahira elektr tarmogʻini va Mangʻit podstantsiyasining rekonst-ruktsiyasi ishlarining loyiha-smeta hujjatlari 2013-yilda bajarilishini taʼminlab, qurish va rekonstruktsiya ishlari 2014-yil Investitsiya Dasturiga kiritsin.

Amudaryo tumani, Mangʻit shahri Doʻstlik va Oybek mahallalariga 2 dona         160 Kv, Navoiy, Olmazor mahallalariga 2 dona 400 Kv, Beruniy mahallasiga va Qangli, Xitoy ovul fuqarolar yigʻini hududiga 4 dona 100 Kv boʻlgan jami 8 dona transformatorlar oʻrnatilishini taʼminlasin.

Oʻzbekiston Respublikasining

Bosh vaziri Sh.Mirziyoyev.