МАҲАЛЛА САЙЛОВИ — МУҲИМ ИЖТИМОИЙ-СИЁСИЙ ЖАРАЁН
Маълумки, Ўзбекистон Республикаси Олий Мажлиси Сенатининг 2016 йил 5 мартдаги қарорига кўра, жорий йилнинг май-июнь ойларида юртимизда фуқаролар йиғинлари раислари (оқсоқоллари) ва уларнинг маслаҳатчилари сайлови ўтказилади.
Сайловга тайёргарлик кўриш ва уни ўтказиш бўйича 2016 йил 5 март куни Ўзбекистон Республикаси Олий Мажлиси Сенати Кенгашининг, 2016 йил 15 март куни Қорақалпоғистон Республикаси Жўқорғи Кенгеси Президиумининг, 2016 йил 16 март куни халқ депутатлари Амударё туман Кенгашининг тегишли қарорлари қабул қилинди.
Мазкур қарорларга ҳамда "Фуқароларнинг ўзини ўзи бошқариш органлари тўғрисида”ги ва "Фуқаролар йиғини раиси (оқсоқоли) ва унинг маслаҳатчилари сайлови тўғрисида”ги Ўзбекистон Республикаси Қонунларига асосан сайловни ташкил этиш ва ўтказиш бўйича тайёргарлик ишлари бошлаб юборилди. Жумладан, 14 нафар аъзодан иборат таркибда фуқаролар йиғинлари раислари (оқсоқоллари) ва уларнинг маслаҳатчилари сайловини ташкил этиш ҳамда ўтказишга кўмаклашувчи туман комиссияси тузилди.
Фуқаролар йиғини раиси (оқсоқоли) ва унинг маслаҳатчилари сайловини ташкил этиш ҳамда ўтказиш бўйича ишчи гуруҳлар ишларини кучайтириш, мувофиқлаштириш бўйича фуқароларнинг ўзини ўзи бошқариш органларига туман кўмаклашувчи комиссия аъзолари бириктирилди.
2016 йилнинг 29-31 март кунлари фуқаролар вакиллари йиғилишларида сайловни ташкил этиш ва ўтказиш бўйича билим ва тажрибага, аҳоли орасида обрў-ҳурматга эга шахслар орасидан фуқаролар йиғинининг, тегишли ҳудудда жойлашган нодавлат нотижорат ташкилотлари ва бошқа ташкилотларнинг вакиллари, шунингдек, халқ депутатлари туман Кенгашининг депутатларидан иборат таркибда фуқаролар йиғинлари раислари ва уларнинг маслаҳатчилари сайловини ташкил этиш ва ўтказиш бўйича ишчи гуруҳлари тузилди.
Мазкур ишчи гуруҳлар фуқаролар йиғини (фуқаролар вакилларининг йиғилиши) ўтказиладиган сана, вақт ва жойни белгилаш ҳамда уни ўтказишдан камида беш кун олдин бу ҳақда тегишли ҳудудда яшовчи фуқароларни хабардор қилиш, ҳовлилар, уйлар, кўчалар ҳамда шаҳарчалардаги, қишлоқлардаги ва овуллардаги маҳаллалар аҳолисининг фуқаролар вакиллари сайлови бўйича умумий йиғилишларини ташкил этиш ва ўтказиш, ҳовлилар, уйлар, кўчалар ҳамда шаҳарчалардаги, қишлоқлардаги ва овуллардаги маҳаллалар аҳолиси умумий йиғилишининг иштирокчиларини рўйхатга олиш ҳамда фуқароларнинг сайланган вакиллари ҳақидаги маълумотларни кўрсатган ҳолда аҳолининг умумий йиғилиши баённомасини тузиш каби ваколатларга эга.
Шунингдек, тегишли ҳудудда доимий яшовчи фуқароларнинг фикрини ҳисобга олган ҳолда тегишли комиссияга тақдим этиш учун фуқаролар йиғини раиси (оқсоқоли) ва унинг маслаҳатчилари лавозимига номзодлар бўйича таклифлар тайёрлаш, фуқаролар йиғини раиси (оқсоқоли) ва унинг маслаҳатчилари сайловини ташкил этиш ҳамда ўтказиш масалалари юзасидан аҳоли ўртасида тушунтириш ишларини олиб бориш, фуқаролар йиғини раиси (оқсоқоли) ва унинг маслаҳатчиларининг такрорий сайлови, шунингдек бўшаб қолган ўринларга фуқаролар йиғини раиси (оқсоқоли) ва унинг маслаҳатчилари сайлови ўтказилишини ташкил этиш ҳамда фуқаролар йиғини раиси (оқсоқоли) ва унинг маслаҳатчилари сайловини ташкил этиш ҳамда ўтказиш масалаларига доир фуқароларнинг мурожаатларини кўриб чиқиш ваколати ҳам ишчи гуруҳларга берилган.
Жорий йилнинг 2-4 апрель кунлари ишчи гуруҳларнинг биринчи мажлислари ўтказилиб, унда иш режалар тасдиқланди, ишчи гуруҳ аъзолари ўртасида хизмат вазифалари тақсимланиб, улар аҳоли пунктлари ва кўчаларга бириктирилди.
Фурсатдан фойдаланиб, ҳамюртларимизни ушбу муҳим ижтимоий-сиёсий жараёнларда фаол иштирок этишга чорлаб қоламиз.
Азат Алмуратов,
фуқаролар йиғинлари раислари (оқсоқоллари) ва уларнинг маслаҳатчилари сайловини ташкил этиш ҳамда ўтказишга кўмаклашувчи туман комиссияси аъзоси.
(Фото - http://namnews.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
