ЎҚИТУВЧИ МЕҲНАТКАШ БЎЛСА...
Ўзбекистон Республикаси Президенти И.А.Каримовнинг 2012 йил 10 декабрдаги "Чет тилларини ўрганиш тизимини янада такомиллаштириш чора-тадбирлари тўғрисида”ги қарорига мувофиқ эндиликда ўрта умумтаълим мактабларининг 1-синфидан бошлаб болаларга чет тилларини ўргатиш бўйича зарур чора-тадбирлар кўрилмоқда. Чунки тил билиш – дунё билан танишиш, жаҳон халқлари тарихи, урф-одат ва анъаналарини қиёсан ўрганиш учун энг тўғри йўлдир.
Чет тилларини ўрганишнинг энг осон ва мақбул йўли – аудио ва видео тасмалар, мазмуни тарбиявий аҳамиятга эга қисқа метражли кинофильмлардан фойдаланиш катта аҳамиятга эга. Бундай усул боланинг нутқ маданиятини ўстиришда тилнинг фонетик, морфологик, грамматик ва лексик жиҳатларини кенг ва тенг равишда олиб бориш имконини беради. Бундан ташқари, турли расмли китобчалардан фойдаланиш ҳам муҳим аҳамият касб этади. Чунки тилни ўрганишдаги ҳеч бир жараён китоб берадиган билимчалик кучли эмас. Сабаби, китоб ҳамиша ёнимизда, хоҳлаган пайтда уни очиб, ўқиб-ўрганиш мумкин.
Муҳими, ўқитувчи меҳнаткаш бўлса, ундаги бу хусусият болага ҳам ўтади ва тил ўрганишда бола меҳнат қилишдан зерикмайди. Бу – муваффақият сари етакловчи йўлдир.
Юлдуз ЮСУПОВА,
НДПИ талабаси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
