ТУМАН КЕНГАШИНИНГ НАВБАТДАГИ СЕССИЯСИ ЎТКАЗИЛДИ

2016 йил 5 июнь куни Халқ депутатлари Амударё туман Кенгашининг 20-сессияси бўлиб ўтди. Сессияга халқ депутатлари Амударё туман Кенгаши Регламентининг 16-моддасига мувофиқ туман ҳокими топшириғига биноан депутат Р.Рўзметов раислик қилди.

Сессияда ҳоким ўринбосарлари, ҳокимлик масъул ходимлари, ҳуқуқ-тартибот органлари ва бўлимлар раҳбарлари, туман фермерлари Кенгаши, қишлоқ ва сув хўжалиги, ер ресурслари ва давлат кадастри бўлимлари, хизмат кўрсатувчи ва таъминотчи корхоналар, муқобил машина-трактор парклари ва фермер хўжаликлари раҳбарлари ҳамда оммавий ахборот воситалари вакиллари қатнашдилар.

Сессия кун тартибига "Амударё туманидаги фермер хўжаликлари пахта далаларида агротехник тадбирларнинг бажарилиши тўғрисида”ги масала ҳавола қилинди.

Сессия аввалида тумандаги фермер хўжаликларида ғўза парвариши бўйича амалга оширилаётган ишлар юзасидан тайёрланган видеолавҳа намойиш қилинди.

Кун тартибидаги масала юзасидан туман қишлоқ ва сув хўжалиги бўлими бошлиғи ўринбосари Б.Қурбаниязов ахборот берди.

Сўнгра, ғўза парвариши бўйича агротехник тадбирларни амалга оширишда жиддий хато ва камчиликларга йўл қўйган фермер хўжаликлари раҳбарлари сўз олиб, юзага келган салбий ҳолатларни тез кунларда бартараф этишга ваъда бердилар.

Муҳокамаларда туман Кенгаши депутатларидан "Туркманистон” ММТП раиси, Қорақалпоғистон Республикасида хизмат кўрсатган қишлоқ хўжалиги ходими А.Тиловмуратов, Йўлдош Ўрозбоев номли ММТП раиси У.Ўразбоев, "Амирхон” фермер хўжалиги раҳбари, Қорақалпоғистон Республикасида хизмат кўрсатган қишлоқ хўжалиги ходими О.Қурбониёзовлар сўзга чиқишиб, фермерларга таклиф ва тавсиялар бердилар.

Сессияда Қорақалпоғистон Республикаси Вазирлар Кенгаши раиси  Б.Янгибоев иштирок этди ва нутқ сўзлади.

Кун тартибидаги масала бўйича билдирилган таклиф, фикр ва мулоҳазалар инобатга олинган ҳолда туман Кенгашининг қарори қабул қилинди.

Шунинг билан сессия ўз ишини якунлади.

Туман ҳокимлигининг ахборот хизмати.