TUMAN KENGAShINING NAVBATDAGI SESSIYaSI OʻTKAZILDI
2016-yil 5-iyun kuni Xalq deputatlari Amudaryo tuman Kengashining 20-sessiyasi boʻlib oʻtdi. Sessiyaga xalq deputatlari Amudaryo tuman Kengashi Reglamentining 16-moddasiga muvofiq tuman hokimi topshirigʻiga binoan deputat R.Roʻzmetov raislik qildi.
Sessiyada hokim oʻrinbosarlari, hokimlik masʼul xodimlari, huquq-tartibot organlari va boʻlimlar rahbarlari, tuman fermerlari Kengashi, qishloq va suv xoʻjaligi, yer resurslari va davlat kadastri boʻlimlari, xizmat koʻrsatuvchi va taʼminotchi korxonalar, muqobil mashina-traktor parklari va fermer xoʻjaliklari rahbarlari hamda ommaviy axborot vositalari vakillari qatnashdilar.
Sessiya kun tartibiga "Amudaryo tumanidagi fermer xoʻjaliklari paxta dalalarida agrotexnik tadbirlarning bajarilishi toʻgʻrisida”gi masala havola qilindi.
Sessiya avvalida tumandagi fermer xoʻjaliklarida gʻoʻza parvarishi boʻyicha amalga oshirilayotgan ishlar yuzasidan tayyorlangan videolavha namoyish qilindi.
Kun tartibidagi masala yuzasidan tuman qishloq va suv xoʻjaligi boʻlimi boshligʻi oʻrinbosari B.Qurbaniyazov axborot berdi.
Soʻngra, gʻoʻza parvarishi boʻyicha agrotexnik tadbirlarni amalga oshirishda jiddiy xato va kamchiliklarga yoʻl qoʻygan fermer xoʻjaliklari rahbarlari soʻz olib, yuzaga kelgan salbiy holatlarni tez kunlarda bartaraf etishga vaʼda berdilar.
Muhokamalarda tuman Kengashi deputatlaridan "Turkmaniston” MMTP raisi, Qoraqalpogʻiston Respublikasida xizmat koʻrsatgan qishloq xoʻjaligi xodimi A.Tilovmuratov, Yoʻldosh Oʻrozboyev nomli MMTP raisi U.Oʻrazboyev, "Amirxon” fermer xoʻjaligi rahbari, Qoraqalpogʻiston Respublikasida xizmat koʻrsatgan qishloq xoʻjaligi xodimi O.Qurboniyozovlar soʻzga chiqishib, fermerlarga taklif va tavsiyalar berdilar.
Sessiyada Qoraqalpogʻiston Respublikasi Vazirlar Kengashi raisi B.Yangiboyev ishtirok etdi va nutq soʻzladi.
Kun tartibidagi masala boʻyicha bildirilgan taklif, fikr va mulohazalar inobatga olingan holda tuman Kengashining qarori qabul qilindi.
Shuning bilan sessiya oʻz ishini yakunladi.
Tuman hokimligining axborot xizmati.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
