Иқтисодиётимиз ривожи йўлида...

2016 йилнинг март ойида туманда фаолият кўрсатмаётган собиқ Манғит ип йигирув-тўқув фабрикаси ишлаб чиқариш биносининг бир қисмида туманда ва Қорақалпоғистон Республикаси туманларида етиштирилган пиллани қайта ишлаб, ипак ишлаб чиқариш, янги иш ўринларини яратиш ва ишсиз аҳолининг бандлигини таъминлаш мақсадида йилига 250 тонна қуруқ пиллани қайта ишлаб, 60 тонна хом ипак ишлаб чиқаришга ихтисослаштирилган "Asia Silk” Вьетнам шўъба корхонаси ташкил этилган эди. Корхонага Хитой халқ Республикасида ишлаб чиқарилган энг замонавий пиллакашлик дастгоҳлари ўрнатилди ва 2011 йилнинг 1 январигача қурилиш-таъмирлаш ишлари олиб борилиб, 2011 йил 1 январидан бошлаб, корхона 30 нафар ишчи билан иш фаолиятини бошлади ва айни кунда корхонада 36 нафар ишчи меҳнат қилмоқда.

2015 йилда 1 млрд. 750 млн. сўмлик маҳсулот ишлаб чиқарилиб, шундан 250 минг АҚШ доллари миқдоридаги маҳсулот Хитой, БАА, Россия давлатларига экспорт қилинди. 2015 йилнинг январь-июль ойларида 300 млн. сўмлик ип калава ишлаб чиқарилди. 2016 йилнинг 28 июнидан бошлаб, ҳозирги кунгача Қорақалпоғистон Республикаси туманларида етиштирилган қуруқ пилла навлар аралашмасини сотиб олишга 900,0 млн. сўм аванс маблағлари пилла етиштириш корхоналарига берилган бўлиб, етиштирилган қуруқ пилла навлар аралашмасини қабул қилиб олмоқдамиз. Йил бошидан буён 248 минг АҚШ доллари миқдоридаги маҳсулот экспорт қилинди.

Ҳозирги кунда корхона 1 сменада ишламоқда. 2016 йилнинг охиригача 2 млрд. сўмлик маҳсулот ишлаб чиқариш режалаштирилмоқда ва бу маҳсулотларнинг 80 фоизини экспорт қилиш режалаштирилган.

Мамлакатимиз мустақиллигининг 25 йиллигига ҳар бир меҳнат жамоаси ўзларининг меҳнат совғаларини тайёрлаётган бир вақтда, бизнинг  корхонамиз ишчи-хизматчилари ҳам байрамни ёруғ юз билан қарши олдилар.

Мамлакатимиз, халқимиз ҳаётида туб бурилишлар ясалишига, юксалишларга асос  бўлган истиқлолимизнинг 25 йиллиги барча юртдошларимизга қутлуғ бўлсин!

Ё.ТЎРАЕВ, "Asia Silk” шўъба корхонаси директори.

(Фото - http://uza.uz)