САЙЛОВГА ДОИР ТАРFИБОТ ТАДБИРЛАРИ
Халқимиз ҳаётида муҳим аҳамиятга эга бўлган сиёсий жараён – Ўзбекистон Республикаси Президенти сайловига жуда қисқа вақт қолди. Жойларда сайлов кампаниясини жипслик билан, юксак савияда, адолат тамойиллари ҳамда Ўзбекистон Республикаси Конституцияси ва "Ўзбекистон Республикаси Президенти сайлови тўғрисида”ги Ўзбекистон Республикаси Қонуни, Марказий сайлов комиссияси қарорлари меъёрлари асосида ўтказиш мақсадида тайёргарлик ишлари авж паллага кирди.
Ўзбекистон Республикаси Президенти сайловини ўтказиш бўйича туманимизда ҳам бир қанча ишлар амалга оширилмоқда. Хусусан туманда 58 та сайлов участкалари ташкил этилган бўлиб, ҳар бирида 9 нафар комиссия аъзолари фаолият юритмоқда.
Фуқаролар йиғинлари ходимларидан 76 нафари ушбу комиссия таркибига киритилган бўлиб, сайловга тайёргарлик кўришмоқда. Участка сайлов комиссияси раиси ўринбосарлари бўлган фуқаролар йиғинлари ҳодимлари жами 76 нафар, жумладан 1 нафар фуқаролар йиғини раиси комиссия раиси ўринбосари, 3 нафар диний маърифат ва маънавий-ахлоқий тарбия масалалари бўйича маслаҳатчиси комиссия раиси ўринбосари, 5 нафар масъул котиб комиссия раиси ўринбосари, 3 нафар "Маҳалла посбони” жамоатчилик тузилмаси сардори комиссия раиси ўринбосари, 23 нафар диний маърифат ва маънавий-ахлоқий тарбия масалалари бўйича маслаҳатчиси комиссия масъул котиби, 15 нафар масъул котиблар комиссия масъул котиби, 5 нафар "Маҳалла посбони” жамоатчилик тузилмаси сардори, 1 нафар ҳарбий ҳисоб бўлими бошлиғи комиссия масъул котиби бўлишди.
Бундан ташқари 20 нафар фуқаролар йиғинлари ходимлари участка сайлов комиссияси аъзолари бўлишиб, Ўзбекистон Республикаси Президенти сайлови юқори даражада, уюшқоқлик билан ўтиши учун аҳоли орасида кенг тушунтириш ишларини олиб бормоқдалар.
Сайловни юқори савияда ўтказиш бўйича сайлов участкаларида тайёргарлик ишлари олиб борилиб, оналар ва болалар хонаси, тиббиёт хонаси, маънавият ва маърифат хоналари ташкил этилган.
Шунингдек, Ўзбекистон Республикаси Президенти сайловини ташкил этиш ва ўтказишга тайёргарлик кўриш мақсадида аҳоли ва ёшларни жалб қилган ҳолда тасдиқланган жадвал асосида "Маҳаллаларда Ўзбекистон Республикаси Президенти сайловини уюшқоқлик билан ўтказиш” мавзусида маънавият соатлари ўтказилмоқда.
Бундан ташқари, бу йилги сайловларда аҳоли ва хотин-қизларнинг сайлов жараёнидан хабардорлик даражасини ошириш мақсадида тасдиқланган жадвал асосида "Бизнинг оиламизда ҳар биримиз ўз овозимизга эгамиз” шиори остида ”Хотин-қизларнинг сайловлардаги иштироки” мавзусида маҳаллаларда, таълим муассасаларида, уй бекалари, нуронийлар ва ёшларни кенг жалб қилган ҳолда учрашувлар, давра суҳбатлари ташкил қилинмоқда.
Ушбу тадбирлар аҳоли ва хотин-қизларимизнинг ҳуқуқий маданиятини янада юксалтиришга, сайловга тайёргарлик кўриш ва уни ўтказиш жараёнларида ижтимоий-сиёсий фаоллигини оширишга қаратилгандир.
Гавҳар ЧИМБАЙЧИЕВА,
"Маҳалла” хайрия жамоат фонди туман бўлинмаси бош мутахассиси.
(Фото - https://sensorika.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
