SAYLOVGA DOIR TARFIBOT TADBIRLARI

Xalqimiz hayotida muhim ahamiyatga ega boʻlgan siyosiy jarayon – Oʻzbekiston Respublikasi Prezidenti sayloviga juda qisqa vaqt qoldi. Joylarda saylov kampaniyasini jipslik bilan, yuksak saviyada, adolat tamoyillari hamda Oʻzbekiston Respublikasi Konstitutsiyasi va "Oʻzbekiston Respublikasi Prezidenti saylovi toʻgʻrisida”gi Oʻzbekiston Respublikasi Qonuni, Markaziy saylov komissiyasi qarorlari meʼyorlari asosida oʻtkazish maqsadida tayyorgarlik ishlari avj pallaga kirdi.

Oʻzbekiston Respublikasi Prezidenti saylovini oʻtkazish boʻyicha tumanimizda ham bir qancha ishlar amalga oshirilmoqda. Xususan tumanda 58 ta saylov uchastkalari tashkil etilgan boʻlib, har birida 9 nafar  komissiya aʼzolari faoliyat yuritmoqda.

Fuqarolar yigʻinlari xodimlaridan 76 nafari ushbu komissiya tarkibiga kiritilgan boʻlib, saylovga tayyorgarlik koʻrishmoqda. Uchastka saylov  komissiyasi raisi oʻrinbosarlari boʻlgan fuqarolar yigʻinlari hodimlari jami 76 nafar, jumladan 1 nafar fuqarolar yigʻini raisi komissiya raisi oʻrinbosari, 3 nafar diniy maʼrifat va maʼnaviy-axloqiy tarbiya masalalari boʻyicha maslahatchisi komissiya raisi oʻrinbosari, 5 nafar masʼul kotib komissiya raisi oʻrinbosari, 3 nafar "Mahalla posboni” jamoatchilik tuzilmasi sardori komissiya raisi oʻrinbosari, 23 nafar diniy maʼrifat va maʼnaviy-axloqiy tarbiya masalalari boʻyicha maslahatchisi komissiya masʼul kotibi, 15 nafar masʼul kotiblar komissiya masʼul kotibi, 5 nafar "Mahalla posboni” jamoatchilik tuzilmasi sardori, 1 nafar harbiy hisob boʻlimi boshligʻi komissiya masʼul kotibi boʻlishdi.

Bundan tashqari 20 nafar fuqarolar yigʻinlari xodimlari uchastka saylov komissiyasi aʼzolari boʻlishib, Oʻzbekiston Respublikasi Prezidenti saylovi yuqori darajada, uyushqoqlik bilan oʻtishi uchun aholi orasida keng tushuntirish ishlarini olib bormoqdalar.

Saylovni yuqori saviyada oʻtkazish boʻyicha saylov uchastkalarida tayyorgarlik ishlari olib borilib, onalar va bolalar xonasi, tibbiyot xonasi, maʼnaviyat va maʼrifat xonalari tashkil etilgan.

Shuningdek, Oʻzbekiston Respublikasi Prezidenti saylovini tashkil etish va oʻtkazishga tayyorgarlik koʻrish maqsadida aholi va yoshlarni jalb qilgan holda tasdiqlangan jadval asosida "Mahallalarda Oʻzbekiston Respublikasi Prezidenti saylovini uyushqoqlik bilan oʻtkazish” mavzusida maʼnaviyat soatlari oʻtkazilmoqda.

Bundan tashqari, bu yilgi saylovlarda aholi va xotin-qizlarning saylov jarayonidan xabardorlik darajasini oshirish maqsadida tasdiqlangan jadval asosida "Bizning oilamizda har birimiz oʻz ovozimizga egamiz” shiori ostida ”Xotin-qizlarning saylovlardagi ishtiroki” mavzusida mahallalarda, taʼlim muassasalarida, uy bekalari, nuroniylar va yoshlarni keng jalb qilgan holda uchrashuvlar, davra suhbatlari tashkil qilinmoqda.

Ushbu tadbirlar aholi va xotin-qizlarimizning huquqiy madaniyatini yanada yuksaltirishga, saylovga tayyorgarlik koʻrish va uni oʻtkazish jarayonlarida ijtimoiy-siyosiy faolligini oshirishga qaratilgandir.

Gavhar ChIMBAYChIYeVA,

"Mahalla” xayriya jamoat fondi tuman boʻlinmasi bosh mutaxassisi.

(Foto - https://sensorika.uz)