ҒАМХЎРЛИКЛАРДАН МИННАТДОРМИЗ
Мустақиллигимиз туфайли мамлакатимизда хотин-қизларга кўрсатилаётган ғамхўрликлар кўлами тобора ошиб бораяпти. Булар бизнинг илм олишларимиз, касб-ҳунарга эга бўлишларимиз борасида яратилаётган шароитларда, она-бола саломатлигини муҳофаза қилиш юзасидан олиб борилаётган ишларда ўз ифодасини топмоқда.
Мен мамлакатимизнинг барча аёл-қизлари қатори биз учун яратиб берилаётган имкониятлардан тўла фойдаланаётганимдан бениҳоя хурсандман.
Айни кунда мен Амударё қишлоқ хўжалик касб-ҳунар коллежида махсус фан ўқитувчиси сифатида фаолият кўрсатиб, модельер-конструктор ва тикувчи-технолог кичик мутахассисликлари тайёрлаш бўйича 9 та гуруҳдаги ўқувчиларга дарс бераяпман.
Шу билан бирга ўз касбим бўйича илмий ишлар қилишга ҳам ҳаракат қилиб келаяпман. Касб-ҳунар коллежлари ўқувчилари учун мўлжалланган "Костюм ва мода тарихи” фанини ўқитишда инновацион технологиялардан фойдаланиш” деб номланганўқув методик қўлланмам 2016 йилда Қорақалпоқ Давлат Университетининг илмий марказида чоп этилди.
Илмий ишларимни яна давом эттириш мақсадида ҳаракат қилиб, "Кенг ассортиментдаги кийимларни лойиҳалаш ва моделлаштириш” деб номланган янги ўқув-услубий қўлланмамни ёзиб тугатдим. Яқинда чоп этилиши кутилаётган ушбу услубий қўлланмага Бухоро технология институти катта изланувчи ўқитувчиси Д.Сайфуллаева тақриз ёзган.
Мен ўзимнинг бу муваффақиятларимда Қорақалпоқ Давлат Университетида таълим берган Ойнагул Бекимбетова, Наталья Пирниязова, коллежимизда бирга меҳнат қилаётган қишлоқ хўжалиги кафедраси мудири Олимбой Бозорбоев ва катта ўқитувчи Усмон Худойбергановлар сингари устозларимнинг ҳиссалари катта деб ўйлайман. Чунки улар менга таълим беришда ва касб сирларини ўргатишда жон куйдирган меҳрибон инсонлар ҳисобланишади.
Сайёра МИНГБОЕВА,
Амударё қишлоқ хўжалик
касб-ҳунар
коллежининг
махсус фан ўқитувчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
