“Обод турмуш йили“ янгиликлари

Томорқа учун кўмакдош агрегат

"Чойкўл” қишлоғида уддабурон деҳқонлар кўп. Қодир ота Камолов ана шундайлардан бири. У яқинда ўз томорқа хўжалиги учун "Мотоблок” агрегатини сотиб олди. Ўғиллари Саъдулла ва Нуралла Камоловлар ушбу ер ҳайдовчи агрегатни бошқариш сирларини ўрганиб олишди. Айни пайтда Қодир отанинг ўғиллари маҳалладошларининг оғирини енгил қилиб, эртаги картошка ва буғдойдан бўшаган ерларини "Мотоброк” агрегати билан ҳайдаб беришмоқда. Боғ ва томорқа ерларини ҳайдашга мослаштирилган бу агрегат ёрдамида ер сифатли ҳайдалишидан ҳамқишлоқлари хурсанд.

Мўл ҳосил нишоналари

"Қангли” ММТП га қарашли "Ялғаш Ешмуродов” фермер ҳўжалиги далаларида ғўзага биринчи сувдан сўнг, ишлов бериш ишлари тугалланиш арафасида. Ижарачи Ойдин Жуманиёзова эса ўз қарамоғидаги 2 гектар паҳта майдонида сувдан кейинги озиқлантириш, ишларини тугаллаб, иккинчи сув очиш тараддудида эгат олиш ишларини бошлаб юборган.

- Фермер ҳўжалиги билан шарт нома асосида ишлаб, ҳар йили паҳтадан мўл осил етиштириб келаман,- дейди ижарачи деҳқон Ойдин Жуманиёзова.

Айни кунда О.Жуманиёзова қарамоғидаги паҳта далаларида мўл ҳосилдан дарак бериб, ғўзалар баравж ривожланмоқда. Ҳар туп ғўза 5-6 тадан бўлиқ кўсак туккан.

Обод турмуш манбаи

"Чойкўл "ОФЙ нинг "Орқа овул” мавзесида яшовчи Озодбой Авезовни маҳалладошлари ишнинг кўзини биладиган томорқа соҳиби сифатида яҳши билишади. У ўз томорқа ерига эртапишар ва кузги узум навларини, олча,гилос, бир неча ҳил навдаги олма кўчатларини ўтқазиб, сўлим боғ яратди. Бир неча йилда ҳосилга кирган боғ оиланинг даромад манбаига айланди. Боғ атрофига, томорқасининг "Бўзсув”каналига туташ қисмига экилган жийда, уч-тўрт хил навдаги саноатбоп тераклар ўсиб, унинг даромадига даромад қўшди. Фарзандларининг иморати учун тусинбоп ёғоч маҳсулоти излаб юрмайдиган бўлди. Яқинда эса томорқа учун мўлжалланган ер хайдаб,эгат олувчи "Мато- блок ”агрегатини сотиб олди.-

-Таморқа –тўкин сочин, обод турмуш манбаи,- дейди у.

Диний маърифат маркази

Юсуф Эшон бобо жомъе масжиди туманимиз мусулмонлари учун диний маърифат ва маънавият маскани ҳисобланади. Ҳар куни бу муқаддас зиёратгоҳга ўнлаб кишилар ташриф буюришиб, ислом дини тарихи, маданияти ва маънавиятига оид ўзларини қизиқтирган саолларга жаоб оладилар.

- Айниқса, жумъа намози кунлари масжидимиз жуда гавжум бўлади, - дейди Юсуф Эшон бобо жамъе масжиди имом-хатиби Абдураҳмон ҳожи Матсафоев. – Мусулмонлар бу даргоҳга нафақат ислом арконлари, диний ибодатларини адо этиш, балки халқаро майдонда ўзларига динни ниқоб қилиб олиб ислом оламига муталақо зид ғояларни тарғиб қилиб, ёшлар онгига салбий таъсир кўрсатаётган диний-экстремистик оқим тарафдорларининг бузғунчи ташвиқотлари, кирдикорларидан воқиф бўладилар.

Чунки масжидда Абдураҳмон ҳожи Матсафоев раҳбарлигида олиб борилаётган диний-маърифий ва ахлоқий мавзудаги ишларнинг барчаси соф исломий манбаларга асосланган бўлиб, барча қизиқувчилар ҳақиқий ислом динининг инсонпарварлик тамойиллари асосига қурилганлигидан, "Ҳизб-ут-таҳрир”, "Салафийлар”, "Акромийлар”, "Таблиғчилар”, "Нурчилар”, "Жиҳодчилар” диний-экстремистик оқимларининг бузғунчи террористик ташкилотлар эканлигидан огоҳ бўладилар.

Обод ва шинам гўша

"Чойкўл” овулининг марказий гузари кундан-кунга гўзал ва обод бўлиб бормоқда. Бунда ҳудудда яшовчи тадбиркорларнинг ҳам ҳиссаси катта. "Жумабой қорай” МЧЖ раиси Икром Жуманиёзов ана шундай тадбиркорлардан саналади. У МЧЖ офиси озиқ-овқат маҳсулотлари ва саноат моллари билан савдо қилувчи дўкон ва офис ҳузурида райнет ташкил этиб, овулдошларининг оғирини енгил қилиш билан чекланмади. МЧЖ офиси ва дўкон атрофини ободонлаштириб, мўъжизагина боғ ҳам яратди. Қишлоқ кўркига кўрк қўшиб турган бу шинам масканда ташкил этилиши билан 3 нафар киши доимий иш билан таъминланди. Унинг бу ишидан ҳамқишлоқлари мамнун.

Томорқадаги бойлик

Томорқа хўжалигини юритиш, ривожлантириш ҳамманинг ҳам қўлидан келавермайди. Хитой қишлоғилик РаъноҲайитбоева бу борада ўзига хос тажрибага эга деҳқонлардан. Шунинг учун ҳам овулда биринчилардан бўлиб "Нексия” русумли автомашина сотиб олди. Озиқ-овқат дўконни ишини йўлга қўйди. Данғиллама иморат қурди. Қандини урсин!

- Эртаги помидорни мен бозорга олиб чиққанимда оиласи 3,5-4 минг сўм эди, - дейди у. – Шу кунгача 1 тоннача помидор сотдим.