Очиқлик ва ошкоралик йўлида
Бугунги кунда туманимизда 3 та оммавий ахборот воситалари – туман ҳокимлиги ва халқ депутатлари туман кенгаши муассислигидаги "Тараққиёт кўзгуси” газетаси, туман ҳокимлиги муассислигидаги Амударё телевидениеси ва www.amunews.uz веб-сайти фаолият кўрсатмоқда. "Оммавий ахборот воситалари тўғрисида”ги Ўзбекистон Республикаси Қонунига кўра ушбу оммавий ахборот воситалари ўз муассислари бўлган давлат ҳокимияти ва бошқаруви органларининг расмий хабарлари ва материалларини, шунингдек норматив-ҳуқуқий ҳужжатларини эълон қилиб келмоқда. Ўз навбатида муассислар – туман ҳокимлиги ва халқ депутатлари туман Кенгаши ҳам юқоридаги қонунга мувофиқ ушбу оммавий ахборот воситаларининг чиқарилишини таъминлаб, таҳририятларнинг ривожланишига имконият яратиб келмоқда. Натижада, "Тараққиёт кўзгуси” газетаси 2012 йилгача ҳар ойда 2 марта чоп этиб келинаётган бўлса, 2013 йилдан бошлаб ойига 3 марта чиқмоқда. 2014 йилдан бошлаб эса газетамиз ойига 4 марта чоп этилиши режалаштирилмоқда. Амударё телевидениеси ташкил қилинганидан бери ўтган 3 йилдан кўпроқ вақт ичида 500 дан ортиқ телеэфир материаллари тайёрланиб, туманимизнинг ижтимоий-иқтисодий, маънавий ва маърифий соҳаларини ўзида акс эттирувчи юзлаб махсус кўрсатувлар ва информацион лавҳалар эфирга узатилди. 2012 йил 12 сентябрда туман ҳокимининг "Амударё тумани ҳокимлиги муассислигидаги www.amunews.uz веб-сайти фаолиятини қўллаб-қувватлаш ва ривожлантириш чора-тадбирлари тўғрисида”ги 504-сонли қарори қабул қилиниб, веб-сайт фаолиятини ривожлантириш бўйича махсус дастур тасдиқланди ва у ҳар куни янгилаб борилмоқда.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
