Ёшлик – илм ҳунар эгаллаш даври

Ҳар ким билим олиш ҳуқуқига эга.

Бепул умумий таълим олиш давлат томонидан кафолатланади.

Ўзбекистон Республикаси Конституциясининг41-моддасидан

Отам шифокор бўлгани учунми, болалигимдан шу соҳага қизиққанман. Болалар билан ўйнаётган дамларимизда ҳам бирортаси суриниб ё тўқнашиб кетиб йиқилса, унга худди отамнинг беморларга ғамхўрлик қилгани каби мен ҳам ғамхўрлик қилишга уринардим.

Умумтаълим мактабини битказиб, Нукусдаги 1-сонли тиббиёт колле-жига ўқишга кирдим. Ўқиш, амалий машғулотлар жараёнида танлаган соҳам ниҳоятда жиддий ва масъулиятли эканлигини теранроқ англадим. Бироқ бу мени ниятимдан қайтармади. Ва аксинча ҳар кунги дарс машғулотларини пухта ўзлаштиришга интилдим.

Коллежни тугатиб 2006-2007 йиллар оралиғида муддатли ҳарбий хизматда бўлдим. Бир йил давомида ўз хизмат бурчимни аъло даражада бажарганим учун менга олий ўқув юртига кириш учун энг юқори баллнинг 25 фоизи миқдорида имтиёз берилди. Олий ўқув юртларига қабул вақтигача Республика шошилинч тиббий ёрдам илмий маркази Нукус филиалининг хирургик реанимация бўлимида ишладим. Имтиёзим туфайли Тошкент тиббиёт олийгоҳининг Нукус филиали даволаш иши факультетига тўлов шартнома асосида ўқишга кирдим.

Ўқиш билан бирга жамоат ишларида ҳам фаол қатнашмоқдаман. Гуруҳимиз сардори ва "Камолот” ЁИҲ фаоли сифатида талабалар ўртасида тарбиявий маърифий тадбирларни ўтказишга кўмаклашишга, ободонлаштириш, кўкаламзорлаштириш ишлари ҳашарларига фаол қатнашишга эришаяпман.

Факультетимиз декани Асқар Қўчқаров, олийгоҳ "Камолот” бошланғич ташкилоти етакчиси Кеунимжой Мамбетниёзов ва гуруҳимиз раҳбари Арслон Ўтениёзовлар бизнинг касбимиз сирларини пухта ўзлаштиришимизга ҳар томонлама ғамхўрлик қилмоқдалар. Айниқса тўлов шартнома пулининг 35 фоизи "Камолот” ЁИҲ томонидан тўлаб берилаётгани менга жуда мадад бўлаётир.

Бизнинг мамлакатимизда ёшлар-нинг ўқиб, билим олишлари, мутахассисликни пухта эгаллашлари учункўрсатилаётган ғамхўрликлар дунё ҳавас қилса, арзигулик. Ке-лажак эгаларига шунчалик шароитлар яратилаётган мамлакатнинг бир фарзанди сифатида бундан жуда мамнунман. Ва келгусида албатта бу ғамхўрликларга ўз меҳнатим билан жавоб қайтараман. Ёшларга бизнинг билим олиш ҳуқуқимиз Асосий қонунимизда белгилаб қўйилган, бундан унумли фойдаланинг, дегим келади. Чунки ёшлик ўқиш, ҳунар ва мутахассислик эгаллаш даври.

Улуғбек Явқашев, талаба.