Yoshlik – ilm hunar egallash davri

Har kim bilim olish huquqiga ega.

Bepul umumiy taʼlim olish davlat tomonidan kafolatlanadi.

Oʻzbekiston Respublikasi Konstitutsiyasining41-moddasidan

Otam shifokor boʻlgani uchunmi, bolaligimdan shu sohaga qiziqqanman. Bolalar bilan oʻynayotgan damlarimizda ham birortasi surinib yo toʻqnashib ketib yiqilsa, unga xuddi otamning bemorlarga gʻamxoʻrlik qilgani kabi men ham gʻamxoʻrlik qilishga urinardim.

Umumtaʼlim maktabini bitkazib, Nukusdagi 1-sonli tibbiyot kolle-jiga oʻqishga kirdim. Oʻqish, amaliy mashgʻulotlar jarayonida tanlagan soham nihoyatda jiddiy va masʼuliyatli ekanligini teranroq angladim. Biroq bu meni niyatimdan qaytarmadi. Va aksincha har kungi dars mashgʻulotlarini puxta oʻzlashtirishga intildim.

Kollejni tugatib 2006-2007-yillar oraligʻida muddatli harbiy xizmatda boʻldim. Bir yil davomida oʻz xizmat burchimni aʼlo darajada bajarganim uchun menga oliy oʻquv yurtiga kirish uchun eng yuqori ballning 25 foizi miqdorida imtiyoz berildi. Oliy oʻquv yurtlariga qabul vaqtigacha Respublika shoshilinch tibbiy yordam ilmiy markazi Nukus filialining xirurgik reanimatsiya boʻlimida ishladim. Imtiyozim tufayli Toshkent tibbiyot oliygohining Nukus filiali davolash ishi fakultetiga toʻlov shartnoma asosida oʻqishga kirdim.

Oʻqish bilan birga jamoat ishlarida ham faol qatnashmoqdaman. Guruhimiz sardori va "Kamolot” YoIH faoli sifatida talabalar oʻrtasida tarbiyaviy maʼrifiy tadbirlarni oʻtkazishga koʻmaklashishga, obodonlashtirish, koʻkalamzorlashtirish ishlari hasharlariga faol qatnashishga erishayapman.

Fakultetimiz dekani Asqar Qoʻchqarov, oliygoh "Kamolot” boshlangʻich tashkiloti yetakchisi Keunimjoy Mambetniyozov va guruhimiz rahbari Arslon Oʻteniyozovlar bizning kasbimiz sirlarini puxta oʻzlashtirishimizga har tomonlama gʻamxoʻrlik qilmoqdalar. Ayniqsa toʻlov shartnoma pulining 35 foizi "Kamolot” YoIH tomonidan toʻlab berilayotgani menga juda madad boʻlayotir.

Bizning mamlakatimizda yoshlar-ning oʻqib, bilim olishlari, mutaxassislikni puxta egallashlari uchunkoʻrsatilayotgan gʻamxoʻrliklar dunyo havas qilsa, arzigulik. Ke-lajak egalariga shunchalik sharoitlar yaratilayotgan mamlakatning bir farzandi sifatida bundan juda mamnunman. Va kelgusida albatta bu gʻamxoʻrliklarga oʻz mehnatim bilan javob qaytaraman. Yoshlarga bizning bilim olish huquqimiz Asosiy qonunimizda belgilab qoʻyilgan, bundan unumli foydalaning, degim keladi. Chunki yoshlik oʻqish, hunar va mutaxassislik egallash davri.

Ulugʻbek Yavqashev, talaba.