ТУМАН ТИББИЁТИ РАҚАМЛАР КЎЗГУСИДА

Туманимиз аҳолисига битта кўп тармоқли марказий поликлиника, 7 та қишлоқ оилавий поликлиникалари, 2 та қишлоқ врачлик пункти орқали патронаж тиббий хизмат кўрсатилади.

***

2018 йилнинг 9 ойи давомида қишлоқ оилавий поликлиникалари, қишлоқ врачлик пунктларига қатновлар сони 389 минг 820 та бўлиб, аҳоли жон бошига 3,1 дан тўғри келади. Бунинг 275 минг 512 таси профилактик кўрикка қатнов ҳисобланади.

***

Туманимиз аҳолисини чуқурлаштирилган тиббий кўрикдан ўтказиш режа асосида олиб борилаяпти. Жорий йилнинг ўтган тўққиз ойида 122 минг 629 нафар (99.2 фоиз) аҳоли тиббий кўрикдан ўтказилди ва 36.3 фоизида турли касалликлар аниқланиб, 397 минг 46 нафари амбулатор, 4 минг 806 нафари стационар шароитда, 61 нафари санаторийларда соғломлаштирилди.

***

Айни кунда туман тиббиёт бирлашмасида 297 нафар шифокорлар, 1150 нафар ўрта тиббиёт ходимлари фаолият кўрсатишмоқда.

Жорий йилнинг шу кунигача 55 нафар шифокорлар, 161 нафар ўрта тиббиёт ходимлари ўзларининг касбий маҳоратини ошириш ва замонавий тиббиёт ютуқларини ўрганиш учун малака ошириш курсларида ўқиб келдилар.

***

Туманимиз аҳолисига 379 ўринли туман марказий шифохонаси, 36 ўринли хўжалик ҳисобидаги пуллик реабилитация бўлими стационар тиббий хизмат кўрсатмоқда. Ўтган тўққиз ой мобайнида 19 минг 701 нафар бемор стационар шароитда даволаниб, соғлиғини тиклади, 1 минг 631 та жарроҳлик амалиёти ўтказилган. Стационар шароитда беморларни даволаш муолажалари даволаш стандартлари асосида олиб борилмоқда.

***

Соғлиқни сақлаш тизимида хусусий секторни ривожлантиришга алоҳида эътибор берилмоқда. Натижада туманимизда хусусий тиббиёт муассасалари сони 5 тадан 9 тага кўпайди. Шунингдек, 13 та хусусий дорихоналар, уларнинг 24 та шохобчалари фаолият юритмоқда.

***

2018 йил мобайнида “Тез тиббий ёрдам” бўлими 14 та бригадаларига аҳолидан 29 минг 505 та чақирувлар бўлган ва 29 минг 249 нафар беморларга тез тиббий ёрдам кўрсатилган. Бўлим энг зарур 41 турдаги препаратлар билан таъминланган.

***

Жорий йилда туманда Инвестиция дастурига мувофиқ, туман тиббиёт бирлашмасига қарашли 3- ва 6-сонли қишлоқ оилавий поликлиникаларида жорий таъмирлаш ишлари олиб борилди, 7-сонли оилавий поликлиникада эса қурилиш ишлари давом эттирилмоқда.

***

Шифокорлар томонидан мактаблар, коллежлар, корхона ва ташкилотларда ўтказилаётган турли профилактик тадбирларда соғлом ва узоқ яшаш қоидалари кенг тарғиб қилинмоқда, ҳар бир шахснинг ўз соғлиги учун энг аввало ўзи масъул эканлиги, саломатлик – энг улкан бойлик эканлиги тушунтирилмоқда.