Санитария назорати тиббий маданият юксалишига хизмат қилади
Кундалик турмуш тарзини режа асосида ташкил этиш, тўғри ва соғлом овқатланиш, ақлий ва жисмоний меҳнатни биргаликда мутаносиб олиб бориш, тўлақонли уйқу ва вақтида дам олиш, шахсий гигиена қоидаларига қатъий риоя қилиш соғлом турмуш тарзининг асосий мезони ҳисобланади. Инсоннинг жисмоний, маънавий-руҳий ва тиббий ҳолати уйғунлиги орқали жисмоний, ижтимоий фаровонлик ва маънавий хотиржамликка эришилади.
Соғлом ҳаёт кечиришнинг бу каби қоидалари туман Давлат санитария эпидемиология назорат маркази ходимлари томонидан аҳоли ўртасида мунтазам равишда тарғиб этиб келинмоқда. Тиббиёт, ўқув-тарбия муассасалари, маҳалла ва жамоат жойларида соғлом овқатланиш, зарарли одатлардан сақланиш, гигиеник кўникмаларни шакллантириш бўйича давра суҳбатлари, маърузалар ва семинарлар ташкил этиб борилмоқда. Аҳоли ўртасида аниқланган юқумли касалликлар ўчоқларида уларнинг келиб чиқиш сабаблари аниқланиб, касалликни бартараф қилиш чоралари кўрилмоқда.
Атроф-муҳитни ҳимоя қилишни таъминлаш тизимида қабул қилинган қонунлар ижроси юзасидан қатор ишлар амалга оширилмоқда. Жумладан, Ўзбекистон Республикаси «Аҳолининг санитария-эпидемиологик осойишталиги тўғрисида»ги Қонунининг 14-моддасига асосан тумандаги фуқароларнинг ўзини-ўзи бошқариш органлари ҳамда корхона, муассаса ва ташкилотларга экология ва атроф-муҳитни муҳофаза қилиш ҳамда ҳудудларни ободонлаштириш, чиқиндиларнинг ўз вақтида олиб кетилишини таъминлаш масалалари юзасидан тавсиялар бериб борилмоқда.
Аҳоли яшаш пунктлари, овул ва маҳалла фуқаролар йиғинлари ҳамда хонадонларда санитария-тозалаш ишларини ташкил қилиш, чиқиндиларни ўз вақтида ташқарига чиқаришни таъминлашга масъул корхона, ташкилотлар ишларини назорат қилиш борасида ҳам туман ҳокимлигидан бириктирилган масъул ходимлар билан ҳамкорликда қатор ишлар амалга оширилмоқда. Барча маҳаллаларда йиғилишлар ўтказилиб, аҳоли ўртасида соғликни сақлаш, юқумли касалликларнинг олдини олиш, атроф-муҳитни муҳофаза қилиш, ҳудудларни ободонлаштириш, оилада соғлом муҳитни шакллантириш бўйича учрашувлар ташкил қилиниб, кенг кўламда тушунтириш-тарғибот ишлари олиб борилди ва мавжуд муаммолар ўз вақтида бартараф қилинди.
Тозалик – соғлик гаровидир. Атроф-муҳит тозалигига алоҳида эътибор бериб, санитария-гигиена талабларига риоя этиш орқали соғлом турмуш тарзини яратиш эса саломатлик ва узоқ умр кўришнинг ягона, ишончли йўлидир. Санитария маданиятини тарғиб қилиш бизнинг асосий вазифамиздир
Дурбек БОБОЖАНОВ,
туман ДСЭНМ бош шифокори.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
