Терим мавсумида 4 млн.га яқин даромад топган илғор теримчилар маҳаллада ҳам рағбатлантирилди
Бу йилдаги пахта йиғим-терим мавсумида ҳам маҳаллалардаги ташаббускор теримчилардан ташкил топган терим отрядлари фаол иштирок этиб, туман пахта хирмонига ўз ҳиссаларини қўшдилар. Фермер ва деҳқонларнинг машаққатли меҳнатлари эвазига етиштирилган ҳосилнинг исроф бўлишига йўл қўймаслик учун бор куч-ғайратларини ишга солдилар.
14 ноябрь куни тумандаги Навоий номидаги маҳаллада пахта йиғим-терими мавсумида ташкил этилган терим отрядининг илғор теримчиларини тақдирлашга бағишланган тадбир бўлиб ўтди. Тадбирда туман ҳокимлигидан Илҳом Нуруллаев, Маҳалла фуқаролар йиғини раиси Ваҳоб Ўрозалиев, ҳудуд бўйича туман Ички ишлар бўлими профилактика инспектори Илҳом Абутов, маҳалла посбони Қувват Эсамуродов, “Қайноналар” кенгаши раиси Зулхумор Шихниёзова ҳамда маҳалла фаоллари иштирок этдилар. Маҳалла фуқаролар йиғини раиси Ваҳоб Ўрозалиев терим отряди бошлиғи, маҳалла фаоли Азимбой Дўсчоновнинг ташаббускорлиги, теримчиларнинг жадал саъи-ҳаракатлари натижасида кунига 6 тоннадан зиёд пахта топширилиб борилгани, илғор теримчиларнинг 4 млн.га яқин даромад топишга эришганлари ҳамда барча теримчиларнинг туман пахта хирмони юксалишига муносиб ҳисса қўшганлари ҳақида мамнуният билан сўзлади. Шунингдек, туманнинг 4-сектор ҳудудида жойлашган фермер хўжаликларидаги далаларда пахта йиғим-теримига кўмаклашган маҳалла терим отряди учун қулай шароит яратилгани, тушлик вақтида мунтазам исссиқ овқат билан таъминланиб турилгани ва терим пулларининг ўз вақтида тўланиб борилгани терим суръатини янада оширганини ҳам айтиб ўтди.
Тадбирда терим отрядининг илғор теримчилари,энг кўп пахта териб, маҳалла фуқароларидан 4 млн.га яқин даромад топган Саида Абдуллаева, 3 млн.дан зиёд даромад олган Райҳон Кенжабоева, Сабоҳат Бобожонова, Борис Ножкин, Ўрозбой Ибодуллаев, Гулноза Давлетова, Санобар Тожимуродова, Зулфия Отажоноваларга “Фахрий ёрлиқ”лар берилди. Улар билан бирга терим давомида фаол иштирок этган яна 40 нафар маҳалла фуқароларига ҳам туман ҳокимлиги ва маҳалла фуқаролар йиғини номидан совғалар топширилди.
О.Худойберганова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
