Орол денгизининг қуриган тубини ўрмонзорга айлантираётган азаматларга!
Илгари “Орол фожеаси” деганда кўпчилик бу офат фақат оролбўйи минтақаси аҳолиси учун қийинчилик туғдиришини тасаввур қилишарди. Эндиликда биз қуриган орол тубидан ҳар йили 100 миллион тонна туз ва қум ҳавога кўтарилиши ҳақидаги маълумотларга эга бўлганимиздан кейин бу бутун жаҳон аҳолиси учун даҳшатли бир офат эканлигига ишонч ҳосил қилаяпмиз.
Муҳтарам Президентимизнинг Орол муаммосини ҳал этиш борасидаги ташаббуслари туфайли нафақат мамлакатимиз аҳолиси, балки бутун жаҳон халқлари ҳаракатга келди.
Президентимиз Ш.Мирзиёев Бирлашган Миллатлар ташкилотининг 2017 йил 29 сентябрдаги 72-сессиясида сўзлаган нутқларида Орол денгизи фожиаси барча мамлакатлар учун жиддий хавф туғдиришини исботлаб бердилар.
Шундан кейин Бирлашган Миллатлар ташкилотининг Оролбўйи минтақаси учун Инсон хавфсизлиги бўйича кўп томонлама шериклик асосида “Траст фонди” тузилди. Айни кунда ушбу фондга кўплаб халқаро ташкилотлар ва ҳамкор мамлакатлардан маблағлар келиб тушаяпти. Булар албатта Орол инқирози оқибатларини бартараф этишга хизмат қилмоқда.
Айни кунда биз Орол денгизининг қуриган тубида яшил қопламалар бунёд этиш мақсадида олиб борилаётган ишлардан ҳар куни хабардор бўлаяпмиз, у ерда кечаю-кундуз меҳнат қилаётган юртдошларимиз билан телефон орқали гаплашиб, уларнинг соғликлари ва бажараётган ишлари ҳақидаги хабарларни эшитиб турибмиз.
Қишнинг изғиринли кунларида Оролқум саҳросида яшил ўрмонзор барпо этиш мақсадида фидокорона меҳнат қилаётган элдошларимиз билан ҳар қанча фахрлансак арзийди.
Биз амударёлик нуронийлар Орол денгизининг қуриган тубини ўрмонзорга айлантиришга ҳаракат қилаётган азаматларни ҳар куни дуо қилиб, уларга соғлик-саломатлик, амалга ошираётган хайрли ишларида эса юксак унум бўлишини тилаймиз.
Бекман АЛЛАБЕРГАНОВ, “Нуроний” жамғармаси
Амударё тумани бўлими раиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
