Экиш мавсумига ҳозирлик кўрилмоқда
Амударё туманида қишлоқ хўжалиги соҳасини янада ривожлантириш мақсадида амалга оширилаётган ишларда хизмат кўрсатувчи ташкилотлар меҳнат жамоаларининг ҳам ҳиссалари катта бўлаётир.
Холимбег овулидаги “Туркманистон” муқобил машина трактор парки ҳудуддаги 20 та фермер хўжалигига ўз техникалари билан хизмат кўрсатиб келмоқда. 100 та қишлоқ хўжалиги техникаси мавжуд бўлган бу ММТП нафақат фермер хўжаликларига хизмат кўрсатади, балки, овулдаги кам таъминланган оилалар ва якка-ёлғиз яшовчи фуқароларнинг томорқа ерларини ҳайдашда ҳам катта ёрдам кўрсатаяпти. Шу йилнинг ўтаётган март ойида 10 га яқин хонадоннинг томорқа ерлари техникаларимиз ёрдамида ҳайдалиб, экин экишга тайёрлаб берилди.
Ҳозирги кунда “Туркманистон” ММТП меҳнат жамоаси ҳудуддаги 20 та фермер хўжаликларининг 774 гектар ер майдонида суриш ва чигит экиш ишларини амалга оширишга ҳозирлик кўраяпти.
Мен ушбу жамоага раҳбарлик қилиш билан бирга катта ишонч билдиришиб, мени туман Кенгаши депутатлигига сайлаган ўз сайловчиларим билан ҳам тез-тез учрашиб тураман. Сайловчиларим билан учрашувларим пайтида мен улар томонидан билдирилаётган таклифларга, мурожаатлар ва фикр-мулоҳазаларга доимо эътибор бераман. Уларнинг муаммоларини ҳал этишда ҳам бор имкониятларимдан фойдаланаман.
Депутат сифатида ўз сайловчиларимнинг ишончларини оқлашга ҳамиша ҳаракат қиламан.
Абдиқодир ТУЛОВМУPОДОВ, “Туркманистон” ММТП раиси,
халқ депутатлари туман Кенгаши депутати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
