Ekish mavsumiga hozirlik koʻrilmoqda

Amudaryo tumanida qishloq xoʻjaligi sohasini yanada rivojlantirish maqsadida amalga oshirilayotgan ishlarda xizmat koʻrsatuvchi tashkilotlar mehnat jamoalarining ham hissalari katta boʻlayotir.

Xolimbeg ovulidagi “Turkmaniston” muqobil mashina traktor parki hududdagi 20 ta fermer xoʻjaligiga oʻz texnikalari bilan xizmat koʻrsatib kelmoqda. 100 ta qishloq xoʻjaligi texnikasi mavjud boʻlgan bu MMTP nafaqat fermer xoʻjaliklariga xizmat koʻrsatadi, balki, ovuldagi kam taʼminlangan oilalar va yakka-yolgʻiz yashovchi fuqarolarning tomorqa yerlarini haydashda ham katta yordam koʻrsatayapti. Shu yilning oʻtayotgan mart oyida 10 ga yaqin xonadonning tomorqa yerlari texnikalarimiz yordamida haydalib, ekin ekishga tayyorlab berildi.

Hozirgi kunda “Turkmaniston” MMTP mehnat jamoasi hududdagi 20 ta fermer xoʻjaliklarining 774 gektar yer maydonida surish va chigit ekish ishlarini amalga oshirishga hozirlik koʻrayapti.

Men ushbu jamoaga rahbarlik qilish bilan birga katta ishonch bildirishib, meni tuman Kengashi deputatligiga saylagan oʻz saylovchilarim bilan ham tez-tez uchrashib turaman. Saylovchilarim bilan uchrashuvlarim paytida men ular tomonidan bildirilayotgan takliflarga, murojaatlar va fikr-mulohazalarga doimo eʼtibor beraman. Ularning muammolarini hal etishda ham bor imkoniyatlarimdan foydalanaman.

Deputat sifatida oʻz saylovchilarimning ishonchlarini oqlashga hamisha harakat qilaman.

Abdiqodir TULOVMUPODOV, “Turkmaniston” MMTP raisi,

xalq deputatlari tuman Kengashi deputati.