Xalq deputatlari Amudaryo tuman Kengashining birinchi sessiyasi toʻgʻrisida AXBOPOT (+video)

2020-yil 15-yanvar kuni Amudaryo tumani hokimligi majlislar zalida Xalq deputatlari tuman Kengashining birinchi sessiyasi boʻlib oʻtdi.

Sessiyada xalq deputatlari tuman Kengashiga saylangan deputatlar, Qoraqalpogʻiston Pespublikasi Vazirlar Kengashi Paisi Qahramon Sariyev, hokimlik masʼul xodimlari, boʻlimlar, huquq-tartibot organlari, jamoat tashkilotlari rahbarlari, fuqarolar yigʻinlari raislari va ommaviy axborot vositalari vakillari ishtirok etdi.

Oʻzbekiston Pespublikasining “Mahalliy davlat hokimiyati toʻgʻrisida”gi Qonuni talabidan kelib chiqib, Xalq deputatlari Amudaryo tuman Kengashining birinchi sessiyasini tuman saylov komissiyasi tavsiyasiga koʻra 8-Boʻston saylov okrugidan saylangan deputat Maxsud Saʼdullayev olib bordi.

Kun tartibidagi birinchi masala, yaʼni 2019-yil 22-dekabr kuni boʻlib oʻtgan saylovning va 2020-yil 5-yanvardagi takroriy ovoz berishning natijalari boʻyicha tuman saylov komissiyasi raisi Moʻminjon Matyusupov axborot berdi.

Axborotda taʼkidlanganidek, saylovlar qonun talablariga koʻra, demokratik tamoyillar asosida oʻtkazildi. Saylov natijalariga koʻra 30 ta okrugdan 30 nafar deputat xalq deputatlari Amudaryo tuman Kengashining deputati qilib saylandi.

Deputatlar saylov natijalari boʻyicha tuman saylov komissiyasi raisining axborotini maʼlumot uchun qabul qildilar.

Sessiya kun tartibidagi ikkinchi, yaʼni “Amudaryo tumani hokimini tayinlash toʻgʻrisida”gi Qoraqalpogʻiston Pespublikasi Joʻqorgʻi Kengesi Paisining farmoyishini tasdiqlash haqida”gi masala yuzasidan Qoraqalpogʻiston Pespublikasi Vazirlar Kengashi Paisi Qaxramon Sariyev soʻzga chiqdi.

Vazirlar Kengashi Paisi Sultonboy Pajapbayevich Yoʻldashevni Amudaryo tumani hokimini lavozimiga tayinlash toʻgʻrisida Qoraqalpogʻiston Pespublikasi Joʻqorgʻi Kengesi Paisining farmoyishini oʻqib eshittirdi. Shuningdek, u oʻz soʻzida butun mamlakatimizda boʻlgani kabi Amudaryo tumanida ham keng koʻlamli ishlar amalga oshirilayotgani, aholining turmush sharoitlarini yaxshilash, hududlarni jadal ijtimoiy-iqtisodiy rivojlantirish boʻyicha tizimli ishlar amalga oshirilayotganini taʼkidlab, bu ishlarda tuman hokimi Sultonboy Pajapbayevich Yoʻldashevning hissasi borligini alohida eʼtirof etdi.

Ushbu masala yuzasidan 13-Qilichboy saylov okrugidan deputat, Qilichboy ovul fuqarolar yigʻini raisi Baxram Qadirov va 4-Doʻstlik saylov okrugidan deputat, Oʻzbekiston Liberal Demokratik partiyasi Amudaryo tuman Kengashi raisi oʻrinbosari - apparat rahbari Muqaddas Beknazarova soʻzga chiqib, nomzod toʻgʻrisida oʻz fikr-mulohazalarini bildirdilar.

Kun tartibidagi ushbu masala yuzasidan xalq deputatlari Amudaryo tumani Kengashining qarori qabul qilindi va Sultonboy Pajapbayevich Yoʻldashevni Amudaryo tumani hokimini lavozimiga tayinlash toʻgʻrisida Qoraqalpogʻiston Pespublikasi Joʻqorgʻi Kengesi Paisining farmoyishi bir ovozdan tasdiqlandi.

Shundan keyin Amudaryo tumani hokimi Sultonboy Yoʻldashev soʻzga chiqib, oʻziga bildirilgan ishonchni oqlash uchun bor kuch va imkoniyatlarini ishga solib harakat qilishini hamda xalq farovonligi va jamiyat ravnaqi yoʻlida fidoyilik bilan ish olib borishini taʼkidlab oʻtdi.

***

Xalq deputatlari Amudaryo tuman Kengashining birinchi sessiyasi qisqa tanaffusdan keyin Amudaryo tumani hokimi Sultonboy Yoʻldashev raisligida davom etdi.

Sessiyada deputatlar xalq deputatlari Amudaryo tuman Kengashining Peglamenti va Kengash doimiy komissiyalari toʻgʻrisidagi Nizomni tasdiqladilar.

Shuningdek, Kengash qarori bilan “Siyosiy partiyalar toʻgʻrisida”gi Qonun hamda xalq deputatlari tuman Kengashi Peglamentiga muvofiq tuman Kengashidan saylangan deputatlar ishtirokida Tadbirkorlar va ishbilarmonlar harakati – Oʻzbekiston Liberal-demokratik partiyasi, Oʻzbekiston Xalq demokratik partiyasi, “Milliy tiklanish” demokratik partiyasi, “Adolat” sotsial-demokratik partiyasi va Oʻzbekiston Ekologik partiyasining deputatlar guruhlari roʻyxatga olindi.

Sessiyada shuningdek, xalq deputatlari Amudaryo tuman Kengashi sessiyalariga kiritiladigan masalalarni dastlabki tarzda koʻrib chiqish va tayyorlash uchun jamoatchilik asosida faoliyatni amalga oshiruvchi doimiy komissiyalar tuzish va ularning raislarini saylash masalasi ham muhokama qilindi.

Kengash qarori bilan xalq deputatlari Amudaryo tuman Kengashining Mahalliy byudjetni shakllantirish va uni ijro etish, iqtisodiy islohotlarni amalga oshirish hamda tadbirkorlikni rivojlantirish masalalari boʻyicha doimiy komissiyasi tuzilib, unga deputat Muqaddas Beknazarova, qonuniylikni taʼminlash va korruptsiyaga qarshi kurashish masalalari boʻyicha doimiy komissiya tashkil qilinib, unga deputat Mansur Oʻrozboyev, ijtimoiy-madaniy sohani rivojlantirish, oila, xotin-qizlar va yoshlar masalalari boʻyicha doimiy komissiya tuzilib, unga deputat Gulzoda Eshimbetova rais qilib saylandi. Shuningdek, xalq deputatlari tuman Kengashining nodavlat notijorat tashkilotlari va fuqarolik jamiyatining boshqa institutlari bilan hamkorlikda ishlash masalalari boʻyicha doimiy komissiyasi tashkil qilinib, unga deputat Bahodir Baltabayev, sanoat, transport, qurilish, kommunal xoʻjaligi masalalari va aholiga xizmat koʻrsatish boʻyicha doimiy komissiya tuzilib, unga deputat Maqsud Saʼdullayev, agrar, suv xoʻjaligi masalalari va ekologiya boʻyicha doimiy komissiyasi tashkil qilinib, unga deputat Ilhom Polvonov hamda reglament va deputatlik odobi masalalari boʻyicha doimiy komissiya tashkil qilinib, unga deputat Saʼdulla Sodiqov rais qilib saylandi.

Shuningdek, Kengash qarori bilan deputatlar orasidan mazkur doimiy komissiyalarning aʼzolari ham saylandi.

Sessiyada Oʻzbekiston Pespublikasi Saylov kodeksiga asosan Qoraqalpogʻiston Pespublikasi Joʻqorgʻi Kengesi, Xalq deputatlari tuman va shahar Kengashlari deputatlari Qoʻshma majlisining Maslahat Kengashi aʼzoligiga nomzod tavsiya qilish masalasi ham muhokama qilindi.

Kengash qarori bilan 20-Kuyukkoʻpir saylov okrugidan tuman Kengashi deputati Gʻulomjon Yeshniyozov Qoraqalpogʻiston Pespublikasi Joʻqorgʻi Kengesi, Xalq deputatlari tuman va shahar Kengashlari deputatlari Qoʻshma majlisining Maslahat Kengashi aʼzoligiga nomzod sifatida tavsiya qilindi.

Sessiyada “Xalq deputatlari viloyat, tuman, shahar kengashi deputatining guvohnomasi va koʻkrak nishoni toʻgʻrisida”gi Oʻzbekiston Pespublikasi Oliy Majlisi Kengashining Qaroriga asosan yangidan saylangan xalq deputatlari tuman Kengashi deputatlariga “Tuman kengashi deputati” koʻkrak nishoni tantanali ravishda topshirildi.

Sessiya soʻngida Amudaryo tumani hokimi Sultonboy Yoʻldoshev soʻzga chiqib, deputatlarning kelgusi 5-yil ichida xalqimiz ishonchini oqlab, davlat va jamiyat rivojiga hissa qoʻshishdek xayrli ishlarida omad tiladi.

Shuning bilan xalq deputatlari Amudaryo tuman Kengashining birinchi sessiyasi oʻz ishini yakunladi.

Amudaryo tumani hokimligining axborot xizmati.