САЙЛОВДА ЭНГ МУНОСИБ НОМЗОДЛАР САЙЛАНАДИ
Шу кунларда юртимизда фуқаролар йиғинлари раислари ва уларнинг маслаҳатчилари сайловини демократик тамойиллар асосида, фаоллик билан ўтказиш, фуқаролар йиғинлари раисларига энг муносиб олий маълумотга, эл ичида обрў-эътиборга эга ва дунёқараши кенг, эл дарди билан яшайдиган кишиларнинг сайланишига эришиш учун қизғин ҳозирлик кўрилмоқда. Боиси келгусида маҳалла институтининг жамият ҳаётида тутган ўрни ва нуфузинининг ошиши, унинг ислоҳотлар жараёнидаги иштирокининг кенгайиши айнан шу лавозимга сайланган кишилар фаолияти билан чамбарчас боғлиқдир.
Айни кунларда юртдошларимизга фуқаролар йиғинлари раислари сайлови аҳамиятини теран тушунтириш, сайлов ўтказиш жараёнидаги ўзгаришлар, ўзлари истиқомат қиладиган маҳалланинг эртаси қандай бўлиши – уларнинг кўпномзодлилик асосида ўтказиладиган сайловда кимга овоз беришига кўп жиҳатдан боғлиқ эканлиги тушунтирилмоқда.
Тарғибот тадбирлари давомида фуқаролар ўзларининг фаоллиги орқали маҳаллалардаги ободонлаштириш ҳамда кўкаламзорлаштириш, аҳолини манзилли ижтимоий қўллаб-қувватлаш, ёшларни турли ёт ғоялардан, мафкуравий хуружлардан ишончли ҳимоя қилиш, миллий қадриятларимизни, урф-одат ва анъаналармизни асраб-авайлаш, шунингдек, бошқа долзарб масалаларда улкан масъулиятни ҳис этишини, ўз фуқаролик бурчини чуқур англашини намоён этдилар. Шу жиҳатдан олиб қарайдиган бўлсак, яқинлашиб келаётган фуқаролар йиғинлари раислари сайлови юксак фаоллик билан ўтказилиши таъминланишига, катта ҳаётий тажриба, аниқ иш дастурига эга, аҳоли ўртасида ҳурмат-эътибор қозонган инсонга маҳалла тақдири ишониб топширилишига умид уйғотади.
Сайловолди тарғибот тадбирларида халқ депутатлари туман Кенгаши депутатлари ҳам фаол иштирок этиб, ўзлари сайланган ҳудудларда аҳоли билан жонли мулоқотлар қилишмоқда, фуқаролар йиғинлари сайловига киритилган қонунчилик янгиликларини, бу борада энг муносиб номзодга овоз бериш имконияти яратилганини тушунтирмоқда.
Ушбу сиёсий жараёнда мен ҳам қатнашиб, сайловчиларимга қўлимдан келганича тарғибот-ташвиқот қилмоқдаман.
Қурбониёзов, халқ депутатлари
туман Кенгаши депутати, фермер.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
