ЭЪТИБОРГА ЛОЙИҚ МЕҲНАТ ҚИЛАМИЗ

Мамлакатимизда суднинг мустақиллигини таъминлаш, уни инсон ҳуқуқ ва эркинликларининг ҳақиқий ҳимоячисига айлантиришга қаратилганкенг кўламли ташкилий – ҳуқуқий чора- тадбирлар амалга оширилмоқда.судларнинг ваколатлари изчил кенгайтирилиб, дастлабки тергов устидан суд назорати кучайтирилди, прокуратура органларининг суд жараёнига аралашувини жиддий чеклаш бўйича қонунчилик нормаларига зарур ўзгартиришлар киритилди.

Шунингдек, жиноят ва фуқаролик ишларини малакали асосда кўриб чиқиш,фуқаролар ҳуқуқ ва эркинликларини тўла ва ҳар томонлама ҳимоя қилиш мақсадида умумий юрисдикция судлари ихтисослаштирилди. Шу асосда  2017 йил июлда ташкил этилган туман Иқтисодий судиҳам ўз фаолиятида туманимиздаги хўжалик юритувчи субъектларининг иқтисодий низоларини қонуний ҳал қилишда муҳим аҳамият касб этмоқда. Суд фаолияти бошланганидан то  шу кунгача 3933 та даъво аризалар ва аризалар келиб тушган бўлса,шунинг 148 таси тегишлилик бўйича бошқа судларга юборилди, 11 та даъво ариза ва аризаларни қабул қилиш рад этилган, 293 таси қабул қилинмасдан қайтарилган. Ишюритувига қабул қилинган 3481 та даъво аризанинг 66 таси бошқа Иқтисодий судлардан келиб тушган.

Шу кунгача туман  Иқтисодий судида жами 3481 та даъво аризалар ва аризалар кўриб чиқилди ва 3085 таси қаноатлантирилди.Шунинг 233таси суд буйруғи бериш тартибидаги ишлардир.362 та даъво аризани қаноатлантириш эса рад этилди, 24 таси кўрмасдан қолдирилди.

Шуниси эътиборлики, муҳокама этилган жами ишларнинг 2818 таси сайёр суд мажлисларида, омма иштирокида кўриб чиқилди ва суд жараёнининг шаффофлиги, ҳаққонийлиги таъминланди.Ушбу жараёнларда даъвогарлар фойдасига 104367,68млн.сўм ундирилди, 59,63 млн. сўмлик давлат божлари ихтиёрий тўланди, суд қарорига асосан эса 1922,02 млн.сўм давлат божи ундирилди.

Шу ўринда, туман иқтисодий судининг тумандаги махалла ва овул фуқаролар йиғинлари билан ҳамжиҳатликда бир қатор ишлар олиб борилаётганлигини алоҳида таъкидлаб ўтиш жоиз. Чунки “Менинг маҳаллам – Менинг судьям” мавзусида тумандаги махалла ва овул фуқаролар йиғинларида сайёр учрашувлар ташкил қилинди, махалла ва овул фуқаролар йиғинлари биноларида халқ билан учрашувлар ўтказилиб, уларга амалдаги қонун ҳужжатларини тушунтириш, уларнинг масалаларига ҳуқуқий ёрдам бериб борилди.

Барча юртдошларимизни яқинлашиб келаётган янги йил байрами билан қизғин табриклайман, ишларида муваффақиятлар тилайман.

Ўткиржон Сабиров, туман Иқтисодий суди раиси.
Баходир Балтабоев, “Маҳалла” хайрия жамоат фонди туман бўлинмаси раиси.