НАВОИЙХОНЛИК КЕЧАСИ ФАЙЗЛИ ЎТДИ
Туманимиздаги 14-сонли мактабда ўзбек тили фани ўқитувчилари Дилфуза Гаипова, Феруза Хўжамуродовалар томонидан ташкиллаштирилган “Сўз мулкининг султони” мавзусида Алишер Навоий таваллудининг 579 йиллигига бағишланган адабий-мусиқий кеча ўтказилди.
Кечада ўқувчи-ёшлар Навоий ҳаёти ва ижодига бағишланган маънавий-маърифий маърузалар ўқишди. Шоир яшаган давр ҳақида ўз тасаввурларини баён этиш асносида Навоийнинг илм-фан, маданият ва маърифатни ривожлантириш, шаҳар ва қишлоқларни ободонлаштириш, мадраса ва масжидлар, йўллар, кўприклар, сардабалар қуриш каби бунёдкорлик ишлари билан ҳам ўз даврида юксак обрў-эътибор қозонганини ифтихор билан сўзладилар.
Айниқса, Навоийнинг илм аҳлига, адабиёт аҳлига кўрсатган беғараз ёрдами, ҳомийликлари бугунги давр кишилари учун ҳам жуда катта ибрат мактаби эканлигини таъкидлашиб, шундай улуғ зотнинг авлодлари эканликларидан фахрландилар.
Кечада ўқувчи-ёшлар Навоий асарларидан парчаларни ифодали ўқишиб, ғазал ва туюқларини ёддан айтиб бериш билан бирга, уларнинг маъно ва мазмунлари ҳақида ўз фикрларини билдирдилар.
Бўлиб ўтган Навоийхонлик кечаси ўқувчилар қалбида инсонийлик, халқпарварлик, дўстлик, ватанпарварлик туйғуларини янада мустаҳкамлади.
Муяссар ХАЛИЛЛАЕВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
