НОДИРАНИНГ ДАДИЛ ҚАДАМИ

Мамлакатимизда аёл-қизлар ўртасида тадбиркорликни ривожлантириш, уларнинг ижтимоий фаоллигини ошириш, шу баробарида жамиятдаги мавқеини мустаҳкамлаш юзасидан олиб борилаётган саъй-ҳаракатлар туфайли тадбиркор хотин-қизлар сафи тобора ошиб бормоқда.

“Ал-кафил бизнеспласт” МЧЖ раҳбари Нодира Ваисова тадбиркорлик соҳасига дадил қадам қўйиб, ўз бизнеси бўйича юқори натижаларга эришаётганлардан. У “Халқ банки”нинг туман бўлими орқали 40 минг АҚШ доллари миқдорида кредит олиб, тадбиркорлик соҳасида ўз фаолиятини бошлаганида кўпчилик: “аёл боши билан бунча катта миқдорда кредит олибди-я”, деб ҳайрон қолишган бўлса, унинг ўзи танлаган соҳасида эришаётган муваффақиятларини кўриб янада ҳайратланишди.

“Интилганга толе ёр”, деган ҳикматни бекор айтишмайди халқимиз. Нодирахон раҳбарлигидаги “Ал-кафил бизнеспласт” МЧЖ қисқа фурсатларда 7 хил турдаги истеъмол товарларини ишлаб чиқаришни ўзлаштирди, 10 та янги иш ўрни яратилди. Корхонада рўзғор буюмлари юқори сифатда ишлаб чиқаралиб, аллақачон ўз мижозларига эга бўлди.

Муяссар ХАЛИЛЛАЕВА.