ТУМАН ҲОКИМИДАН МИННАТДОРМАН, ЎҒЛИМ ИШЛИ БЎЛДИ
Давлатимиз раҳбари Ш.Мирзиёевнинг 24 январь кунги Олий Мажлисга Мурожаатномасини бутун Ўзбекистон халқи самимият билан тинглади. Мен ҳам энг долзарб муаммо – коррупцияга қарши кураш ёшларни иш билан таъминлаш борасидаги фикрларидан жуда таъсирландим.
Яқинда эса туман ҳокими ёшлар билан учрашиб, муаммоларини ўрганди. Учрашувда Ёшлар иттифоқи туман Кенгаши томонидан туманимиздаги ишсиз ёшларнинг рўйхати шакллантирилди. Бу рўйхатда менинг ўғлим ҳам бор эди. У ҳар йили Россия давлатига чиқиб ишлаб келар, катта қийинчиликлар билан пул топарди. Ўзининг ишсиз эканлигидан жуда азият чекарди.
Ҳоким ва ёшлар учрашувидан кейин бир ҳафта ўтиб, ўғлимни “Аmudaryoteх” хорижий корхонасига операторлик касбига ишга қабул қилишди. Мана бир ҳафтадирки, ўғлим Қудрат Турсунбоев “Аmudaryoteх” корхонасида ишлаяпти, ишидан мамнун. Мен туманимиз ҳокими С.Йўлдашевга ўз миннатдорчилигимни билдираман. Янги иш бошлаган синовдаги ишчи бўлса-да, ойлиги 700 000 (етти юз минг) сўм.
- Ўз ҳулқинг, тарбиянг, меҳнаткашлигинг билан бошқаларга ўрнак бўлгин, балки сени кейинчалик маоши кўпроқ жойга ўтказишар, одобли бўл, ишингга бефарқ бўлма, - дейман доим ўғлимга.
Зуҳра АҲМЕДОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
