ҒАЛЛА ЎРИМ-ЙИҒИМИГА БАҒИШЛАНГАН КЎРГАЗМАЛИ СЕМИНАР БЎЛИБ ЎТДИ
Шу йилнинг 5 июнида Қипчоқ овулидаги “Ҳайтимбетов Султон” фермер хўжалиги буғдой даласида 2020 йил ҳосили учун экилган буғдой ўрим-йиғими бошланиши ва ушбу долзарб паллаларда етиштирилган ҳосилни нест-нобуд қилмай йиғиштириб олиш борасидаги амалга ошириши лозим бўлган чора-тадбирларга бағишланган кўргазмали семинар бўлиб ўтди.
Жами 17 гектар буғдойзорда мўл ҳосил тўплашга эришган хўжаликда ўтказилган кўргазмали семинарда Қорақалпоғистон Республикаси қишлоқ хўжалиги вазири Алишер Ёқубов, Республика Вазирлар Кенгаши Раисининг қишлоқ хўжалиги бўйича ўринбосари Собир Хўжаметов, Республика ғалла уруғчилиги маркази бошлиғи Зоҳид Зиёдуллаевлар ҳамда туманимиз ММТПлари раислари, фермерлар, аграр соҳа мутахассислари, туман ҳокимлиги қишлоқ хўжалиги бўлими масъуллари иштирок этдилар.
Кўргазмали семинарни туман ҳокими Султонбой Йўлдашев очди ва қишлоқ хўжалиги ходимларини йилимизнинг ғалла ўрим-йиғимига киришилгани билан қизғин қутлади. Халқимизнинг ризқи бутун, дастурхони тўкин бўлишини тилади ва мавсумни қисқа кунларда ўтказиш, ғаллани ўриш, ташиш ва сақлашда нобудгарчиликларга йўл қўймаслик юзасидан масъулларга топшириқлар берди.
Маълумки, буғдой-ўрим йиғими отряд усулида олиб борилади. Овулдаги 13 та ғаллачилик соҳаси мавжуд фермер хўжаликларининг 163 гектар буғдойзорлари ҳосили 2 та комбайн ва 4 та юк ташиш машинаси орқали йиғиштириб олиш режалаштирилган. Ушбу техникалар бошқарувчилари учун мавсумда унумли ишлашларига зарур шароитлар яратиб берилади. Иш ҳақлари ўз вақтида ҳисоб-китоб қилинади.
Денгиздай чайқалиб турган сариқ тусдаги буғдойзорда жорий йилги илк ғалла ҳосилини ўриб-йиғиш учун комбайнлар ишга тушди. Йиғилганлар туманимиз ғалла хирмони сарбаланд бўлишини тилаб дуога қўл очдилар.
Ойгул РАЖАБОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
